号外号外。。。荔城街华侨城被拆迁的业主难道真的不愿入住丽江国际花园吗？

[s:117]

好唔乐观咁同大家讲，据我同律师朋友了解过，因为丽江国际本来就系商住用地，就算唔拆我地既屋，开发商都可以申请继续开发，只要开发商有商住用地既证明文件就得。

我系华侨城既一个业主，呢几日虽然无系呢度发过言，但系一直留意贴系墙上既拆迁方案，同埋公示之后大家既反应，仲有就系楼主发帖之后各位网友既跟帖，睇到大家都系度为我地华侨城业主出力，唔怕牺牲时间同精力，而且仲要受开发商、政府同外界既各种指责，系呢度多谢大家。我霖只要我地咬住我地华侨城小区系“三旧”改造项目（好似系有批文既）呢个观点，就可以向增城政府同埋开发商争取最大利益，系呢度呼吁大家齐心协力为我地共同既利益抗争到底。

我既亲戚系政府单位上班，所以我专登揾国土局同规划局有关负责人认真了解过情况，原来系1994年呢块地就已经出让左，用地性质系商住用地。开发商系2011年6月竞到华侨城土地，后来就申请开发，当时既增城市市长叶牛平系视察呢块地个阵发现我地华侨城三栋楼已经比较旧，基于提高城市形象同埋改善生活环境既良苦用心，建议开发商一齐改造，换句话讲开发商系可以抛开我地三栋楼直接进行商住用地开发既。系呢段时间增城市政府并无俾开发商享受到三旧改造既优惠政策，1994年批复既华侨城地块容积率系2.768。后来因为政府代征道路同埋防护绿地占用左原来既用地面积，先将容积率变成3.05，开发商唔单止无系三旧改造上面揾到着数，反而被迫用成本价卖比增城市政府2万平方米商业，据说系用黎配置比挂绿湖噶拆迁户，仲听讲开发商为左丽江国际房屋70年噶产权，另外比左1.5亿元。

宜家开发商起紧既两栋回迁楼，户型唔好，室内面积比我地既屋细，真系搞到人唔开心，所以我都去左揾佢地拆迁办公室既人理论，但佢地话：“回迁楼户型同埋补偿方案唔会有大调整”。根据物权法我地唔同意，佢地亦无权强拆我地既屋，但我惊最后两败俱伤，如果佢地态度强硬坚决唔让步，系唔系开发商就可以继续开发，我地就被人放埋一边，我地仲有机会改善住房？

讲实话，我好担心唔拆。无论点讲宜家既回迁楼都比我地既屋好，新楼仲有电梯（屋企有老人家上落楼都方便d），换屋之后建筑面积都大左d，唔想要屋仲可以卖翻俾佢地，而且眼见开发商提出既15日内签协议有先签先拣屋、6折买车位同埋送两年物业管理费既优惠截止时间就快到，听讲已经有人签左，我个人（唔代表大家）有d心郁，但惊左邻右里既怪责，所以好纠结，我唔系开发商既人，我系个同之前写抗议书既人一样，系个好普通好普通既业主。

我都了解到，我地小区既拆迁工作已经由荔城街道办主导，佢地正系度依法行拆迁程序，宜家正式签左协议。拆迁公告入面都明确，公示结束后六十日内，如果全体业主唔可以100%同拆迁安置工作小组达成一致意见签协议，华侨城小区拆迁安置就无办法实行，最后拆唔成我地米好麻烦。

晓桐 发表于 2015-3-29 11:04
老实讲华侨城个几栋旧楼9200一平方，仲想点吖！楼龄久，装修旧，无电梯，附近无市场，学校相对较远，出入要 ...

183楼
你有所不知，华侨城原住居民（三幢楼）不知不觉住了二十多年了，到现在楼是有些旧，丽江国际没动工前，我们都是安居落业，舒舒服服过日子，交通方便，东南面有舒适的江景广场，西面有增城广场、大润发和万达购物广场，北面是广汕公路，南行一点是挂绿湖主体--增城政府所在地，这里是集交通，文化，政治，娱乐，休闲一体化的宜居之所，况且1992年这里已经是增城的地王，政府和现发展商在没有征得原住居民的同意，就将这块地定性为“三旧”改造实在有些欠妥，更可笑的是私自建起二幢二十五层回迁楼，更不和原住居民商谈拆迁补偿方案，就贴出上面议论的事情，9200元的回购旧房，看此有点高，但增城所有好一点的楼盘哪个不上9000以上的。9200买了我们又可以去哪里居住？回迁吗，条件没人帮你谈，回迁房设计倒流到70年代的潮流，更比原旧房少了平均5平方米，这样强迫性回迁，谁想。。。。。。

业主合理要求，居理力争，支持业主。

“华侨城风水最靓，依傍千年风水龙脉增江，占据天然龙眼之势，因得天独厚的自然资源与繁华地脉，成为增城人民难以再现的藏风聚水宝地”