蒲场真实感情个案——缠绵游戏（蒲场无真爱）转

看完的 概括一下罗

或者系个女仔噶过分爬```
但你都应该清楚~感情E个游戏,玩得起就继续,玩五起就出局```
到最后,你觉得自己输晒```
只可以怪自己太天真```
我都想你将下文写出来```

原文再续


平安夜果晚，我一个人系外地出差，觉得好鬼惨，呢度是一个小城市，城市发展差，蒲噶地方就更加少之又少了，我行过当地最大噶果个场，人都几多下，本来想入去，不过林林下都是算啦，一条友入去又有咩意思呢，就系我经过个门口噶时候，居然。。。来个烟花汇演，顶~~睇住头上噶烟花，同我对比之下，真是觉得好可笑啊，一个甘欢庆噶日子，一个甘孤单噶人，我拿左部手机出来，我打俾距
“点啊亲爱噶。”距一天电话就爆左个从来都未称呼过我噶称呼出来，可能是我个人比较满足，我当时真是有小小冧嘎感觉。
“系边啊？我好鬼闷啊。”我同距讲。
“我同班F系外面唱紧K，你呢？”距略带温柔甘同我讲。旁边仲有距上次个F把声。
“我米一个人藕紧咯，呢度闷到死，算啦，你玩得开心D啦。”我听到距上次个F系度，都放心D。
“我都唔会玩到好夜，我翻去电你啦”距同我讲
“你真是会打俾我？”我呢句话真是问得好无技巧。
“会啊，傻猪”“甘我等你电话啦，bye”
收左线之后，心情又好似几好，呢排甘多野做，翻去做野啦，系外面都无野搞，人生路不熟。
做到12点几，周公急call，我实在顶吾顺了，训教。林距都无甘早翻屋企啦。训住等啦。
电话响，一定是距啦，我拿起个电话，望左望个来电，唔是，另外一条蒲精，呢条友就真是劲了，次次蒲完2.3点就俾电话来“训未啊，好大啊，心情好差啊”基本次次都是呢句台词，我接左距电话“撞鬼你啊，甘夜，听日仲要翻工噶”
同样噶台词，一D新意都无。
“知啦，知啦，知你心情唔好啦，听日先讲啦，是甘啦，我好眼训啊”讲完我就收左距线了。之后望左望不手机，时间是4点几，我顶，个死婆4点几都未翻屋企？我打过去，无人接，我个心。。。唉，开始乱林，我最担心噶就是出现我第一晚识距果时噶情景，只不过换左第二条仔。又打左两次，一样无人听，算了，算了，唔好林了，训教把啦。

到到第日噶中午，距依然无俾到电话我，我发左条信息俾距，信息内容好直接
“到此为止啦，我唔属于你噶生活，你亦唔属于我噶生活，无为再拖落去了。”
无复…..到到下昼2点几，一个我陌生噶电话号码打来距打俾我
“喂~做紧咩啊？” 是距打俾我，距又若无其事甘，我好憎距甘噶态度。明明犯左错，仲要当咩事都无发生过。
“做紧野，点啊？你无睇信息咩？”我好冷淡甘同距讲。
“哦，甘你忙啦”
隔左大概1个钟之后距又打俾我
“喂~”我依然是一种好冷淡噶语气
“我无收到你条短信，你发多次啊。”我明明见到信息报告发翻来，距居然话无收到，吾同呢D就是传说中比“选择性失聪”更强噶“选择性失明”兼且仲俾左我一个距唔想散噶错觉。你地都知道我个人衰心软噶啦。
“收唔倒就算啦，我好忙，晏D电你啊”
“嗯，甘好啦，唔好甘辛苦啊”又扮到好体贴甘。（真是高手高手高高手啊）
爱情是盲目噶，呢句话真是一D都无错，我加多句，爱情是吾理青红皂白噶，掂亲即死。

收完线，我一于吾理距，继续做自己噶野，但是……其实我个心……真是……好想好想听下距有咩解析，只要合理，我都会相信距。真是痴线啊~
到晚黑，我翻到住噶地方，打俾距，距接电话讲“你终于打俾我啦？做完野啦？寻晚我手机拿左出厅充电，今朝急住出门口又无带手机，所以无听到你电话啊，唔好意思啊。”
合唔合理呢？我个心系度林，梗是唔合理啦，但是我都是选择左相信距，真是白痴之中噶白痴啊~“你以后唔好再要我甘担心你了，好唔好？次次都是甘，我好辛苦噶~你知唔知啊？”
“我知啦，我保证以后都唔会了，真嘎，你信我啦~”距好可怜，好乖甘讲。
收完线，我决定信距，跟住落来噶日子我发觉距真是变到好乖，朝朝起身都飞一条短信俾我，一日噶短信量都维持系40条左右，而且仲变到前所唯有甘温柔，我打亲电话俾距距都听，自从同距一齐以来都未试过甘开心过，呢次是真了挂。
知道30号，我翻去过元旦假期，呢一日亦都是我同距一齐以来最开心噶一日，准确来讲应该是31号凌晨，但是同样呢一日是我对距最心死噶一日！
[s:76] [s:76] [s:76] [s:76]

我系翻去噶路上我发左条短信俾距，我话俾距听我今日会翻来，问距开吾开心，距梗是话开心啦，我都好开心，好多日无见过距了，都好挂住距下，翻到去食完饭，电距，距啊妈接电话，话距休息紧，叫我迟D先打俾距，结果2个钟后打，老豆接，同一番说话，再过两个钟一样……打到晚黑9点几，我都无咩心机再打了，发左条短信俾距“你点啊？是唔是唔舒服啊？好担心你啊，你训醒俾电话我啦”跟住翻到屋企听左阵歌，就去睇CAR噶情陷长堤，林住一次过睇晒距。一路睇，睇到31号凌晨2点，突然电话响，是距。我拿拿声接起个电话
“中午公司活动饮多左，翻到来就训左了，岩岩先醒就打俾你了。”距同我讲
“唔是挂，中午都可以饮多？你知唔知我几担心你啊”
“知啦，我都好挂住你，所以一醒就第一时间打俾你了，头先我老豆仲死问我你是边个添，我米话你是我男朋友咯”听到距呢句话，讲真我真是好开心。认为终于得到左承认，感觉就同一个二奶终于战胜左个大婆得到左应有噶名分一样兴奋。
“唔是挂，你真是甘同你老豆讲啊，距仲有无讲咩啊？”我比较激动。
“无，不过你小心我老豆随时有可能打俾你喔。审你啊”距好得戚甘同我讲
“唔是挂，使吾使甘激啊，甘如果距问我同你咩关系，甘我点讲啊”我特登甘问距。
“你中意点讲米点讲咯”有一次得到果种认同，突然觉得个心甜到啊。
跟住我地又讲左好多好冧噶野，呢度就吾一一讲出来了。本来想约距晚黑出来唱K噶，点知距又要同屋企人去隔离个市噶亲戚度，晚黑未必可以翻来，真是失望，收左线之后，我训左一个自从识距以来最甜噶教。真是好冧~

第日8点几短信就到了
“起身未啊？我准备出发啦，有D挂住你添”
睇住条短信，我又开始发藕豆了，距从来都未同我讲过距挂住我噶，呢次是破天荒噶第一次，正~成个人精神爽理
“甘我同你飞短信啦，你长途加漫游打电话好贵噶。”我复翻条短信过去
“吾紧要喔，你挂住我就打俾我啦。”
跟住两个人D短信就开始飞来飞去，同距一齐之后从来都未试过甘开心。到到就当我林住今晚自己一条友系屋企对住部烂电视，烂HIFI噶度过两年（07.12.31——08.1.1）噶时候晚黑6点几，距突然飞条短信来。
“如果我今晚翻来，你会唔会出来见我啊？”距问我
“梗是会啦，真是可以翻来？实在太好了。”呢个问题仲使问嘎，梗是见啦，我翻来就是为左见距，同距一齐跨度2008，我有咩理由吾见距先。
“嗯，甘我今晚翻来啦，大概8、9点钟倒到。”
“OK，我订房。”（大家米乱林啊）
“订房？订咩房啊？”（距都乱林左，唔怪得大家）
“唱K啊，今日除夕，依家都唔知订吾订倒房添啊。”
发完条短信，我发散晒D F帮手，群众噶力量是巨大噶，有困难噶时候我地要相信群众。搞掂~
“我订左房啦，XXX噶523房，你今晚叫埋你上次个F啊，Arca好鬼挂住距啊”订完房之后我又飞左条短信俾距
“好啊，今晚见。”跟住心情又试好到不得了，扮靓~期待今晚噶见面。


[s:76] [s:76] [s:76] [s:76] [s:76] [s:76] [s:76]

因为是tony帮我订噶房，所以当我过到去噶时候，tony同距条女阿moon已经到左了，我买左打百威之后，就开始系度等待，等待距噶出现，等到差吾多9点距终于到了，距今日着得好纯，但是距无坐埋来我身边。点解啊？距坐左系我对面，算啦，既然来到了，仲林甘多做咩啊，帮距点左两首歌，等距唱完，然之后就开始同距玩大话色，虽然期间都有小小亲热噶镜头。
但是成个过程距噶表情同眼神都好迷离，四个字“貌合神离”
完全都吾似是我条女，吾是又来啊嘛，使吾使次次都玩到甘尽啊，俾条生路行下好啵。
我点左首最中意噶歌“富士山下”唱俾距听“拦路雨偏似雪花….饮泣的你冻吗…..这风褛我给你磨到有襟花…..连调了职也不怕…..怎么始终牵挂….苦心选中今天想车你回家….”因为我知道呢首歌距好中意，所以我唱得好投入。但是距好似无乜反应，距有距玩我有我唱。又点解啊？
呢个时候距个F同Arca都陆续到场，百威又饮得差吾多了，我提意不如饮Vodka啦，无人反对，我买左3支vodka，跟住开始继续对，玩下玩下，大家都有D大大地噶时候Arca提意玩7.8.9啦，玩米玩咯，根本都未惊过。1个钟之后全部人彻底大晒，呢个时候唔知边条茂里提意玩真心话胆博胆，就是呢个环节开始彻底激发起今晚我噶悲剧了。

呢个游戏规则好简单，摇色仔，两莉色加埋点数最大噶为之赢，最细噶为之输，赢家负责出问题，输家可以简真心话，或者大冒险，Arca系开始噶时候要大家起左个毒誓“真心话噶，讲大话果个父母断双脚”好毒噶一个誓言。
第一个回合输噶是佳得三点，而Arca11点赢，佳简噶是真心话
“你是唔是中意ghost”Arca问距，同时听完呢个问题噶时候我用一种好期待噶眼神望住佳，等待佳噶答案。
“是”一个字，全场起哄，呢个字令我觉得好开心，即使以前点都过左去了，过去就由得距过去啦
第二个回合开始，Arca孖1，死梗了，而我是10点最大，Arca简大冒险，唔使讲野啦，嘴佳个F一啖啦。见到距好似好满足甘嘴左落去，我都觉得好开心，终于帮距稳倒个主了。
第三个回合又系佳输，Arca赢，佳都是简大冒险，Arca有D报复噶心态，要佳同我打茄轮，一分钟。结果佳无做到到，只是话甘样好似有D过分，吾可以要求得太过份噶。我见距甘噶反应，我都帮距落台。结果就甘放过左距，但是，我个心就好唔舒服了。而且自己已经好WING，就无再继续玩落去了。唔知过左几耐，阿佳突然系我耳仔边同我讲左句话“其实我唔是中意你噶”哇~又来。妖哪星啊，是唔是痴Q晒线啊。我望左距一眼，眼神就同果晚系厕所门口张沙发度见到距同另外一个男人坐住噶果种眼神。我好嬲，好嬲，真是好嬲~！D眼泪又开始好吾争气甘留出来，望左距好耐，拎转面，斟左杯纯噶Vodka对左落去，1杯，2杯，3杯，我觉得我个心又开始系度滴紧血，然之后我起身拿衫，走，我好似逃跑甘跑落楼，打车，番屋企。

我唔想在系人地面前喊了，翻到屋企，我D眼泪系甘狂标出来，加上自己饮到好醉，Vodka噶后劲好大，我迷迷糊糊甘训着左，第二日我睁开眼先至是9点几，个头痛到就来爆炸，个人仲是好wing，脚步浮浮，我拿起个电话，我想打俾距。结果发现电话里面同距有关噶一切野全部都无晒？我记得Arca有距噶电话，我打俾Arca，问Arca拿距个电话，顺便问距是唔是距删晒我手机入面关于阿佳噶野？结果距话我知是我自己删噶。 断片？我自蒲以来从来未试过出现断片。呢种现象居然会系我身上发生（各位蒲友好多都知道咩叫做断片，我系度亦都不厌其烦甘解析多次，断片就是因为饮酒过量噶短暂失忆。）我努力甘去林翻起寻晚噶每个细节，但是无论我几努力都林吾倒几时删过距电话。
经过寻晚之后，令我中意左一首歌，讨厌左两首歌，决定左三件事。
中意左噶歌是梦飞船噶”不值得”，因为我觉得呢首歌系系度教紧我点做“这感情….不值得我犹豫，不值得我考虑，不值得我爱过你…..”
讨厌左噶两首歌是黄义达噶”到底多久”同陈奕迅噶”富士山下”，因为呢两首歌是距噶彩铃，而通常我听到呢个彩铃噶时候，我就觉得好呕心。两位乐坛大哥你地唔怪得我噶。
决定左噶三件事是1、以后唔再去蒲，伤心之地不宜久留。2、唔再饮酒，酒后乱性兼伤身。至于第三件事我觉得是一个比较幼稚噶决定，就是以后唔再需要爱情，唔再去爱人，唔再需要人爱。

（未完待续） [s:76] [s:76] [s:76] [s:76] [s:76] [s:76] [s:76]

故事未完...大家多D回复啦.. [s:76] [s:76]

[s:69] 系ＺＣ定广州发生架？？呢件事？？？

引用第16楼哥哥仔于2008-02-23 03:42发表的 :
[s:69] 系ＺＣ定广州发生架？？呢件事？？？

故事发生在广州..我系转载的...............

全部睇晒~~`希望继续~~支持！

睇到眼都花鬼埋....顶!