蒲场真实感情个案——缠绵游戏（蒲场无真爱）转

本人决定要更多人知道，呢一个事实，绝对是本人真实经历，希望大家可以多多支持！

近排个个礼拜六都去欢，不断甘提醒自己，我系一个浪子，我系一个枪手，我要做噶野就是界女，最好是次次都同吾同噶女人one night，。哇，觉得自己几潇洒。一班战友，落到个场度，摇下奀下，吸引住一大棚靓女噶目光，果阵时觉得自己英到无轮，以为自己真真正正成为左一个合格噶枪手，点知果晚，令到我从新睇清楚自己是几甘废。
照旧，8点几系屋企开住部烂77hifi，听住果D烂77慢摇电子音乐，一边奀，一边衬衫，今晚着边件战衣杀食呢？边件沟死女先？半个钟之后，我终于系果堆好似乱葬岗甘噶衫裤堆度，搵到我今晚岩心水噶战衣。哎吖，吾记得提下我个亲密战友Arca添，果条友提起距就烦了，次次出去之前噶准备功夫都烦到死，打条丝巾，整成10几20分钟，剂剂都搞到我好似大婆等甘，亦都因为是距，话俾我知我地是一个枪手。

换好晒衫，两条友就好似出show甘行出去打车。一路上，感觉自己方圆百里之内所有噶雌性物体都为之拜倒，落到午夜（我地平时蒲开噶场），全场人都系度HIGH紧，D灯系甘闪，呢个环境对于我来讲已经熟悉得不得了，已经唔知系度渡过做几多个烂醉如泥噶晚上，去到我地噶卡座，Tony同距条女阿Moon经已坐做系度，Tony大大声噶同我地打招呼“Ghost你两条友终于蒲头啦，等死咩，唔好讲甘多了，一人自对三杯先讲野啦。”Tony同我地吾一样，距出来蒲完全是为左减压，而且次次都带埋距条女出来，我同Arca成日笑鬼距，出来蒲带埋跳女托咩，外面个世界甘花碌碌，真是可惜。但是每次Tony都是一笑置之，识得距时间长左，就见怪不怪了。
我同Arca坐低左之后，对眼就开始不停甘四围及，睇下今晚个场度有无咩索野~“妖，今晚好似无咩运行播。”Arca好失望甘讲。
“俾D耐性啦，急乜”我同Arca讲。
话时话今晚落到来之后，Arca就好似好吾开心甘噶样，满怀心事。算了，我无再理距，开始同Tony玩大话色，尽快要自己进入状态。Arca个死仔就继续系度扎住杯酒，懒过吾沉默甘，话晒识左距20年了，无理由真是一D都吾理距噶，过去问下据啦。
“做乜七姐，一个人发藕豆，一起玩啦。甘闷做乜。”我行过去距旁边同距讲
“关你西事咩。”Arca好唔好老皮甘顶左句过来
我当堂无晒声出，做乜七啊距，发乜len野烂诈啊，乜心情都无晒，落去下边厕所门口张沙发度抖下气先。（呢度个设计我就真是要认真同大家介绍介绍，呢度有两张3个人位噶长沙发，作用有3种，1，陪女去厕所噶可以系度等女；2，饮大左噶落度来就大字型甘摊左系度，3个人位噶沙发就岩岩好了，第3种作用就是好似我甘，闷闷地落来坐下透透气。）点知，呢一个决定，令我赖晒野~（未完待续）

我坐系张沙发度，食住支烟仔，乜feel都无晒，厕所门口D人系度行来行去，系呢个时候，我好似发现左D野，，，，，有条女及住我，正前方12点钟位置。
我心林唔是挂，居然有D甘噶树？点办呢？直觉话我知，米理距，继续扮沉默，继续扮忧郁。过左吾够一分钟，条女居然坐左系我旁边，我仲feel到距不时甘及我，而我呢个时候就继续扮到懒过吾忧郁甘，望都吾望距，一于诈唔知。
“你无也啊嘛？”我意料之中噶事发生左，距同我搭讪了。
“无事，心情吾是甘好，落来坐下姐。”我讲噶是事实播，不过是表情夸张左D姐。
“我都好唔好心啊，岩岩同条仔散左。”距笑住同我讲。哇，唔开心居然笑住同我讲，深~真是深，可惜我当时无意识到呢样野。
“你同你D FRIEND来噶，距地呢？”
“距地自己玩紧。好闷落来做做咯”依然是笑住讲。
“甘不如去我个卡度一起玩啊？”我试探性甘问下距
“好啊！”估唔倒距答完我之后，就拖住我只手行了。天啊，有无甘笋啊
翻到张卡度，我地开始玩大话色，而呢个时候噶Arca心情都好似出奇甘好左。枱面度有个果盘，我林一定是距地头先买噶了，条女来度之后是甘个个敬云晒，明显有D大大地。呢个时候Arca系个果盘度督左旧西瓜俾我，然之后我又好有风度甘递左俾条女。条女咬左一啖之后又递埋来我个嘴度，我当时边有林甘多啊，一旧西瓜姐，当我食左呢旧西瓜之后，呢个痛苦噶故事亦都同时宣布开始了。
食完旧西瓜之后过唔到两分钟，距就揽实我是甘嘴，哇，使唔使甘激啊，一D预兆都无，当然，我又唔使第一次出来蒲，又唔使未打过茄伦，来就是啦，一咀咀左成10几分钟。然后就揽实我系甘喊，当时我都有D大大地，一路不停甘安慰住距。见到我地甘噶样，班友仔全部走晒出去避风头。我同距讲不如我送你翻去先啦，你甘噶样点得啊。距撇下撇下甘跟我行左出去门口。
“我唔想翻屋企啊~~” 距同我讲
“甘去我度啦”距无出声，剩是跟左我上车。

埋身肉搏噶野就吾多讲了，继续下文啦。
本来ONS系边个夜场都是一种发生率极高噶酒后娱乐项目，呢个游戏噶规则就是天亮之后讲分手。我都好明白呢个道理，但是偏偏系呢个时候我却做唔倒。阳光通过窗台照如来，大家噶酒气都渐渐过晒，呢个时候本来是应该静静甘离开噶，但是我无，我只是静静甘望住距训教个样，觉得好可爱，好靓，同时亦都有小小噶心痛。距系呢个时候睁大左对眼，望住我，我忽然觉得有D惊，我惊距当咩事都无发生，本来如果距真是当咩事都无发生过噶话，我林全世界大多数男人都会lue饭应，点解我反而会惊呢？好多人都话，男人是一种可以有性无爱噶动物，女人就必须是现有爱后有性，但是讲老实话啊，第一眼见到个人，如果你无feel噶话，点可能有性啊，是女都杀甘米好CHEAP。
所以其实我真是有小小中意距，我望住距睡眼朦松个样，好温柔甘问距“你训醒啦？”
“嗯”距好细声甘应左我一下。
“你无咩野啦嘛？”
“无咩了”距好似有D唔是好敢望我
“是了，我叫ghost，魔鬼，呵呵，你叫咩名啊？米搞到第日系街到撞到都唔知是边个。”我以为距是果D玩管ONS噶女仔。
“我叫佳”距无咩表情甘答左三个字
“哦，佳啊，你住边啊？我送你翻去啊”我扮到lan过吾潇洒甘。
“ok”跟住着衫，落楼，打车，一气呵成，成个过程大家都无乜点讲野，系临落车果阵，我突然问左一句破坏游戏规则噶话
“我地仲会唔会再见啊？呢个是我噶电话，留你个电话NO.俾我啊”
“好啊”
双方交换完电话之后，距就落左车，然之后头都吾会甘走左。仲要行得好快，呢种步伐俾人噶感觉是逃跑。个心随住距噶呢种步伐莫名甘痛左一下。
好死吾死呢个时候个部死人的士音响传出左一首好应景噶歌“夜夜也没这夜那么静，似听见这颗心滴血声……”撞距个鬼啊~
拿住部手机，我好想飞条短信俾距，但是又唔知要同距讲咩好，算啦，都是吾发，跟住我原路返回，翻归训教，咩都唔好林，顺其自然啦。点知，就系我岩岩翻到屋企噶时候，手机短信到，边个呢？拿部手机出来一睇，居然是距，我个心只鹿仔系甘系度跳，距到底会同我讲咩呢？
[s:76][s:76][s:76]

“我唔是一个随便噶女仔，我希望你唔好误会，呢排我是心情好差，加上寻晚饮左好多，系酒精作用下先至会发生D甘噶事。”睇住条甘噶短信，我个心都唔知咩滋味，有开心，又有唔开心，开心噶是距话距唔是一个随便噶女仔，唔开心噶是句话是酒精作用下先会甘，虽然我都明白呢个是好正常噶答案，但是鬼叫自己对距有feel咩。
“我都无当你是随便噶女仔，寻晚大家都饮多左，不如将寻晚噶事忘记左距，就当我地系今日重新认识好唔好？”我复左条短信过去。
“你真是无甘认为我？”
“真是无啊，你信我啦，我今朝几惊你吾记得左我是边个啊，以后唔开心噶时候我都会陪住你噶”我同时都希望呢个是事实
跟住距无再复翻过来了，因为前一晚都无咩点训过，所以眼训到死，我都是训阵先啦。一觉训到晚黑7点几，起身求其煮左个碗面食，因为Arca今日仲有野做，所以一路都无见到距蒲头。打左个电话俾Arca之后就打开部HIFI继续听下歌仔，本来有林过打个电话俾阿佳噶，但是林下林下都是算了，点知就是呢个时候，短信到。。。。
“你唔是已经进入左我噶生活了咩，我希望我噶生活因为你噶到来而变得更加精彩。”呢镬仲吾得米，睇完条短信噶时候，我噶心情真是兴奋都不得了啊。
“我一定会努力噶，吾会再令你过得唔开心，相信我！”一条典型而又通俗噶沟女短信发翻过去。结果无再复过我。林住打个电话俾距问下，倾下计，联络下感情啦，点知，无人听。。。。。顶，玩野啊~我个心好似有D唔好噶预感，我觉得距会晤会又揽紧另一个男人做紧同一件事呢？点解我会有D甘噶预感呢？我唔是应该好明白呢个道理啊，甘上心把鬼啊。偏偏又做唔倒，失败……就甘系等待中昏昏沉沉甘训左......

第日训醒仲要去翻工，同平时一样，一早出门口，打左部车，出发。但是同时亦都同平时吾一样，心入便多作份牵挂。
放到公司我见到Arca，条友同平时一样，好风骚甘行埋离。
“点啊，条女得唔得啊”Arca咸咸湿湿个样有时又真是好鬼死顶瘾。
“无咩啊，又米甘”我无咩心情理距。
“收到风条女好似结左婚，听讲距老公仲大距10几年”Arca讲出左一句令我震惊噶话，我个心莫名甘又痛左一下。
唔是挂，有无搞错啊，就系我仲系发紧藕豆噶时候，短信到。
“系度做紧咩啊？”一条好简单噶短信，是距。
大家如果收到呢条短信噶时候，唔好以为条女好挂住你，想知你做紧咩啊，呢条短信噶作用就同say hi 一样甘普通，同时亦都是系度试紧你show吾show距，复距就有得继续玩，吾复就是甘先。
“无啊，翻工咯，寻晚训得好唔好啊？”我复翻俾距。
“可以啦，我都系度翻紧工”
“你平时有无上Q噶，俾你个Q我啊。”
“我一般晚黑上，342*******”
拿到个Q之后，我拿拿声搜索出距，然之后，第一时间，睇空间，睇下可吾可以见到D咩蛛丝马迹，结果，除左距D相，同一D好普通噶日志同留言之外，咩发现都无，甚至连一D小小暧昧噶都无。甘又代表D咩呢？谜~真是谜~
讲起“谜”呢个字，同大家分享一D小小噶心得，无论你是界女又好，沟仔又好，一定要适度甘隐藏你自己，等对方感觉你好似有好多也收埋甘，大部分人有种好奇心，好中意去发掘一D你唔知但是又好感兴趣噶野，如果你将咩都讲晒俾人知，你仲有鬼神秘甘啊，当一个人已经无野可以俾人发掘噶时候，你同一个死人又有咩分别。而偏偏系呢段感情里面，距好成功甘变成左我眼入边噶一旧大谜团。
[s:76][s:76][s:76]

林深一层，自己对距真是好似一无所知，人噶好奇心系我度表露无遗，我有一种渴望，我要去发现距，直到解开距身上噶所有谜。点知道原来自己正系度行紧落个坑度，越行越深…..
“我好挂住你啊，不如今晚一齐食饭睇戏啊。” 我好吾争气甘打左个电话俾距。
“好啊，我5点半收工，你过来接我啊，我系XXXX等你。”距应承得好爽快，爽到有D出乎意料之外。
收完线之后，个心有小小兴奋，继续飞短信，后来经我统计，第一日噶短信量居然是78条甘夸。我以为我要开始一段真正噶爱情了。
我系4点半噶时候就早早甘撇左翻屋企换翻D正经D噶衫裤，话晒今晚是我地第一次正常约会啊。（我指噶正常约会是远离蒲场噶意思）5点3个字我到左我地约好噶地方，距未出现，我点左支烟，拿左部手机出来，发错条我觉得懒吾关心噶短信俾距“我到左啦，你唔使赶住过来噶，路上注意安全啊，我等你。”
“我都就到了，见面讲啦”
又等左10分钟左右，距出现左系我视线范围，慢慢甘行过来，我呢家先真正甘睇清楚距，同果晚噶印象完全是两个人，衣着打扮半潮，但有不失高雅噶气质，最令人吃惊噶就是距噶身高，居然同我差吾多（我都178cm，吾算矮细噶啦）果晚点解吾觉噶呢？死火啦，甘鬼高，点办啊……

我地都显得好拘束下，因为我之前做足晒准备功夫，成晚噶流程都安排好晒，去边食饭，去边睇戏，睇边部，都安排好晒。我地去左间好友情调噶西餐厅，稳个位坐低左，叫左两份西冷，开左支红酒，跟住就开始左我地呢餐浪漫噶晚餐。成过过程都好愉快，愉快到我差D忘记左距是一个谜。食完餐饭，距离我地要睇噶过场戏噶时间仲有成粒钟。
“仲有时间不如去行下街先啦，我成日翻工都好耐未行过街了，我想睇下D皮草” 呢个时候，距提议。
“好啊，我地去行下先啦” 当我听到最后果两个字噶时候，个脑wing一声，“皮草”？无听错啊嘛，唯有死定啦。
行到入个卖场度，一睇，仲wing，就算打完折，拿埋都3皮几野，几个月人工啊~呢个女人真狠。但是心惊还心惊，呢个时候都要扮镇定噶啦，继续陪距行。距系甘行，系甘行，时不时仲问下个SALES野。哇，我当时几惊距讲“就呢件啦，唔该”然之后用一种好期待噶目光望住我，甘就真是PK了。我依然扮到好绅士甘跟住距行，好在，睇左一阵之后，距同我讲“都是一般，我地去睇戏咯”
“哦，吾行啦，甘我地去睇戏啦，都差吾多够钟入场了。”我有一种如释重负噶感觉。
睇完场戏出来，我都唔知场戏up乜，系入面睇距噶时间仲多过睇戏（拿拿拿，你地米乱林啊，我地系入面乜都无做过噶）然之后我就送左距翻屋企。
今晚成晚，总噶来讲，就同两个岩岩开始拍拖噶人约会无咩分别，就是多左个皮草事件插曲，但是效果总噶来讲都是算吾错。

跟住落来噶一个礼拜里面，我地继续飞短信，打电话，无咩特别噶事发生过，我地约好左圣诞一齐过，点知计划无变化快，就来快到圣诞噶时候，领导突然话要我去外地出差，而且段时间仲吾短添，圣诞同元旦都无得留低，唉~~心情即刻down晒，无办法啦，做野紧要，但是我又好唔舍得呢段岩岩先开始噶感情。（我呢个人最憎就是计划好晒噶野突然要改变）临走前两晚，班友仔话要帮我渐行，我就约左距出来，因为我好想见距，但是呢一晚令到我个心痛左六次。我约左距9点半系我地识噶果个场门口等之后，我就翻屋企换翻件战衣同去执执个头，9点半我准时落到个场度，打俾距…..无人听….唔是挂又来？在打，效果一样。点解啊？神龙见首不见尾啊？再打，空号……仲飞线添，咩料啊？

[s:76][s:76][s:76][s:76][s:76][s:76]

等到差吾多11点几，电话到，是距。
“唔好意思啊，头先去左个朋友果边个场，嘈果头听唔倒电话响，唔好意思啊，我呢家飞紧的过来嘎啦，10分钟到”
傻仔啊我？飞晒线甘，摆明唔想听啦，算，林甘多米盏心UP“甘我10分钟系门口等你啦”收左线之后，我开心翻，最起码知道距过紧来啊。就算距是当一场游戏，起码同距玩噶其中一个是我啊。
距同埋另外一个女仔一齐过来，接到距地之后，我地就一齐入翻个场度，去到我同班友原来坐紧噶果个卡度，坐落，开劈，但是我留意到距噶表情，距噶笑容好牵强，咩事呢？稳距又话无野，系甘系度自对，搞到咩气氛都唔晒。过左阵，我落左去，去厕所，翻到来，唔见左距，得翻距个F同Arca系度玩得好欢，我问距地，Arca求其答左句“厕所挂”之后就继续同佳个F玩。
妖，正内容敏感被屏蔽仔，有异性无人性，（其实某种程度上我都是一样）我无理距地，自己行去问距，顺便买包烟仔，就系我稳云都唔见距，林住行出去买烟噶时候，俾我见到距同条鬼佬玩得好欢，笑得好开心，就好似我第一晚识距果阵时甘，我个心好痛，我行埋去扮到咩事都无甘问距点解系度，
“无啊，撞到个F，倾两句，一阵过来，你去边啊？” 距若无其事甘话
“我去买烟”我都好若无其事甘讲，男人吾可以太小气。
“甘我等你翻来，一齐入去啊”
“嗯”
翻到来距同我一齐翻埋张卡度，继续玩，我同距对Arca地，2par2，玩左阵，距话距吾玩了，叫我同距地玩住先啦，然之后就行左去，我对眼一直跟住距，发现距又去左个鬼佬张台度，继续同个鬼佬欢，一样笑得好灿烂。我顶…..咩人来噶，我个心好痛，真是唔知点解，我开始不停甘对自己，唔知过左几耐，距翻左来，呢个时候我已经开始大了，我同距讲“你唔好甘好唔好，你甘我好辛苦啊。”
距无理我，开始敬Arca地酒，对左几杯之后，同我讲话要去厕所，我话我陪你去啦，去到厕所门口，我话我系度等你。等左10分钟左右，终于见到距出来，但是又拖住另一个女仔，心林好在是女仔姐，唔是就……林都未林完，两条女就冲左上去另一边噶楼梯，望都无望我一眼，哇~~极品啊~服！我跟左上去，见到距又去左另外一张卡度，里面大部分都是D中坑。我好无奈，翻到自己张卡度继续对自己……

又唔知过左几耐，始终都唔见距翻来，我眼定定甘望住距头先去噶果张卡度，试图搜索距噶身影，结果无发现，吾通距……好似第一晚识我甘，跟左第条仔走？唔会挂，有无甘明目张胆啊，唉……继续心up，我系甘对自己系甘对自己，都唔知对左几多，对到自己都有D顶吾蒲，我行左落去厕所汤。
汤完出来，我好唔想见到噶一幕出现左系我眼前，又是果张沙发，又是果个位置，又是距，不过个男人换左一个。***，有无搞7错啊，你有无甘Cheap啊！！！！！我当是有嬲，又心痛，点解一个女人可以Cheap到甘噶程度噶，真是服Q左距了，我行埋去，向距竖起只手指公，咩都无讲，然后翻上去，继续对……对到死为止……又唔知果左几耐，我始终都无再见到距，呢个时候Arca行埋来同我讲“撇啦”
“距呢”我无理Arca讲咩，我剩是问左距呢句话。
“系第张台同人玩紧啊”Arca指左下对面果张台
我好激动甘行左过去果张台度，拉住距走，距死都唔肯，还在果时阿佳个F都系度，如果唔是交都有的打啊。不过，我一向都唔是果种好冲动噶人，即使饮得再多，我都可以控制自己唔好做出D过激噶行为。

出到外边，Arca提意去宵夜，但是我仲有鬼心情咩。不过我见距地两个女仔都五反对，去就去咯，而且，仲可以安安静静甘见住阿佳。上的士噶时候，Arca惊我太激，要我坐前面，距就同两条女坐后座，呢个时候，我见到已经好WING噶阿佳同距个F讲，距中意Arca！！！唔是挂，距是唔是痴线噶~！！！！
“你听到啦，距话冧你啊，上啦” 我好嬲，但是我扮到好潇洒，我同Arca讲
“你都痴线噶”Arca同我讲，其实我知道Arca一定唔会，而且Arca中意佳带出来个F。
我无再讲野，但是个心度依然好痛。落到大排档，我地又叫左四支大啤，我无理距地，继续系度自己对自己，成个人彻底崩溃晒。我想拉距走，距唔肯，距话要同Arca一齐。
“好，我成全你，我成全你好未？”或者我真是中意左呢个吾值得唔应该中意噶人，我叫左Arca出来，返屋企。
今次又是翻左我屋企，不过今次吾同噶是，唔是得我同佳两个人，是四个，Arca仲有佳个F。上到去，我同佳讲“你唔好甘好唔好？见到你甘样我好心痛啊”
距话“我是中意Arca啊，点啊。”
我好大声甘同Arca讲，“距话中意你啊，你听到啦，你同距一齐啦”
Arca无理到我，自己上左我张床度训。呢个时候，只癫婆跟左过去训左系Arca隔离。个厅度得翻我同佳个F。我个心好痛，好痛，我咩都吾讲，静静甘坐左系度，呢个时候阿佳个F话要走，Arca送左距走，我坐左系张沙发度，望住床上面噶佳，我无嘈距，呢个时候我剩是好想喊，好想喊，同时D眼泪好吾争气甘流左出来，我到底做咩啊，点解要喊啊，值得咩？！！

我就系张沙发度发藕豆，阳光再次透过窗台照入来，但是今次都上次吾同，距训系床上边，而我就坐左系张沙发度，等到距醒左之后，我已经好平静，而距就好似犯左错噶细路仔甘望住我，我已经无野好讲了，企起身，望住距，好淡甘讲左句“你走了，到此为止，我以后都唔想见到你了。”
呢个时候我个心真是异常甘平静，心如止水，但是距行过来，揽实我，揽到好实，同我讲“对唔住啊，唔是甘噶，寻晚饮得太多，所以先会…..对唔住啊，你唔好赶我走啦。”
哇，咩世界啊，又来，救命啊~~我无理距，我打开栋门，同距讲，你走啦，我真是唔想见到你啊，距企系门口，望住我。
“甘我拜托你一件事啊，走噶时候唔该顺手关门” 呢个时候我留低左句好型噶话，就翻左张床度训低了
距关左栋门，但是距依然无走到，行埋来揽住我。我个人就是有一个弱点，衰心软，见到距甘我又开始恢复翻D幻想，揽实翻距，好温柔甘同距讲“好啦，我信你啦，不过你应承我以后都唔好甘了，好唔好？”
“嗯，我唔会嘎啦”
漏左同大家交代一样好紧要噶野添，就是系寻晚好醉噶时候，我稳距个F帮我解开左一个谜，就是距到底有无结婚呢件事。结果是无噶！再加上之后噶一D细节我都肯定左呢样野。
今日距仲要翻工，我送距去到电梯口，帮距噤电梯，到…..距入左电梯之后，电梯关门，跟住又开，又关，好似细路仔玩电梯甘，我问距，你唔想走啊，距唔出声，我伸只手出去，然后拖住距，距行翻出部电梯，我地又揽埋一齐，送走左距之后，我翻入屋训教，寻晚完全都无训过，跟住从呢个时候开始，距就成日都打电话同发短信俾我，而我第日就出左差了。
圣诞节果晚是一个好噶转折点，好到我差D以为呢段感情终于可以向好噶方向去发展……
不过转折点之前都仲是有段小插曲，就是平安夜
待续未完.........[s:76][s:76][s:76][s:76]

大家如果想睇咖.....
就多D回复支持下啦.....
我唔想将成个故事发完后....先发觉一个回复都无.....[s:76][s:76][s:76]

好长啊.................... [s:109]

唉..眼都花..

[s:117]

引用第7楼永祺于2008-02-12 19:55发表的 :
唉..眼都花..

继续呢．．．．．．．．．