增城家园网友@不爱你了
大家好，下面将我既经历和大家分享下。
希望增城D女仔，唔好被骗！
我家住新塘，系新塘人。
1988年出生，到今年都三十了。
屋企有个细佬，我系家姐，细佬结左婚，做左爸爸。
而我...一言难尽。
我屋企一直都重男轻女，老豆、老母既心思都花系细佬身上。
当然距睇地既家产都系留翻俾距。
唔米我老母都唔会闹我，仲唔快D嫁人，屋企D家产都俾你细佬，你无份嘎！
唔好到时变老姑婆，稳鬼养你！
有阵时，我真系会怀疑，呢个阿妈系米我亲生噶？
细佬读书唔得，读完中专，就去做姨姐间厂度帮手。
然后识左个广西妹，搞大人个肚，想唔要人，人地女方唔肯。
就甘样，半推半就结左婚。
不过甘都好既，最起码，距结左婚，做左爸爸，个人都生性左。
第一胎就生到个男孩，我老豆、老母更加待距如珠如宝。
而对我...唔使讲，大家都想到。
我老母比较中意拜神，可能新塘D人都系甘，唔知系米传统原因还是什么东西。
反正我对呢样嘢，一D兴趣都无，每次拜神都要烧N多嘢，又要好似念经甘念。
我老母抓住我，叫我学，话以后嫁左人，要自己来，无人帮你。
我只系觉得，距好似当我系包袱甘，想早日嫁人送出去。
早几年就催我快D嫁人，因为甘我成日同距嘈。
所以我呢几年去黄埔做嘢，无系新塘做。
就系唔想日日见到距地，搞到家嘈屋弊甘。
我系做会计嘎，做会计大家都清楚，做呢行，唔米睇样稳食，就算老女人，一样大把公司请，得闲仲可以接D兼职做下。
系公司里，个D男既多数系中年人，无咩几乎接触单身异性。
老母系新塘经常叫D亲戚朋友帮我稳对象，新塘本地人年纪大过我，单身男唔多。
所以有时距仲会介绍D外省人俾我，我比较抗拒。
系新塘相亲次数都唔少，对于相亲，我有点麻木了。
我承认，我个样系一般，唔穿鞋，身高1.58米，90斤。
自我认为唔靓又唔丑，行出街去无人会注目，只是一个普通路人甲。
相亲甘多次，唔米人地嫌弃我，就系我嫌弃人地，反正我觉得婚姻不能将就，就算我做老姑婆都唔会，为左结婚而随便稳个男人嫁了。
相亲见识过唔少男人，有D男人会扮到好斯文，有D好直白。
而大致都会问一个问题，你觉得我点？你考虑成点？
其实见一次面，吃餐饭，可以了解到你几多？
吃一次饭，就要决定同唔同你一齐？
吃一次饭，你对我来讲，只系叫见过面既陌生人。
你要我点考虑？点了解你？反正我就系接受唔到
我呢个人比较慢热...
最近朋友叫我上家园网交友征婚度睇睇，话呢度好多增城男仔征婚。
嗯，可以既话，我都唔想做老姑婆，睇睇无妨。
上去睇睇，发觉好多人征婚写D嘢都好随意，完全系无用心个只。
就连自己基本介绍都没有，就说要征女友，征婚，叫人联系你，你当增城D女仔“发仔狂”？
都系个句，“森林大了，什么鸟都有”，系呢度其中都有D系真心实意的，同时也有心怀不轨的。反正呢个社会，边度都有好人，坏人。现实中，网络中。
就好似下面呢位，距自称系1986年出生，荔城街金星村嘎。
我问距点解甘大年纪都未有女友、未结婚。
距话之前都跟人北上做生意，今年先翻增城，因为村准备征收，翻来处理征收既嘢，要尽快稳个女朋友结婚，征收可以分多D钱。
嗯，听到呢度，可能好多人都会心动，拆迁户，又赶住结婚。
其实一D都唔会贪距D钱，当然如果稳自己中意既又有钱当然系最好啦！
边个女人，都唔想嫁穷人挨苦。
我们认识2个星期，距开车落新塘车我上荔城吃过2次饭。
第一次系万达广场吃，因为见面之前大家在微信视频聊天。
所以彼此都有一定的印象和心理准备。
第一次真正见面，反而我显得有D拘谨，距表现得好轻松。
吃饭都系距自动撩我讲嘢，距讲嘢比较直接，又带D幽默感。
有时真系唔知，距边句真，边句假。
从外形上来讲，距都合眼缘个只，唔米我都唔会跟距上荔城吃饭。
饭桌间，距突然问我，拍过几次拖，几时无左第一次。
我听到有D愕然，其实边度会有男仔甘傻，第一次见面吃饭，问人女仔呢D嘢？
一般女仔，听到甘，肯定会尴尬甚至生气！
但系奇怪，我居然无嬲！
我好认真甘同距讲，我第一次要留翻俾我老公！
距听左，笑了起来，然后扯开了话题。
好吧，差点就把这聊天聊S了。
吃完饭之后，距问我赶唔赶时间落新塘。
我话暂时无咩事，但都唔好太夜。
于是我们就去增城广场逛了一圈，逛广场我以为距会问D尖锐既问题，又或者会借D意拖我既手。
嗯，事实系，距无！全程都系讲一D很轻松的话题，彼此之间保持一定距离。
逛完增城广场，距就车我翻新塘。
呢个就系我地第一次约会，感觉还可以吧。
第二次约会，去东汇城吃饭。
有了第一次见面，呢次见面，感觉更轻松，也不拘谨。
呢次吃饭，距问我可唔可以做距女朋友。
有左第一次经历，呢次我无俾距呢个问题”吓到“。
我话，大家认识唔米甘耐，可以再了解下先，睇睇适唔适合。
然后距同我讲左一大堆嘢
距话我地条村征收，无甘多时候去慢慢了解。
所以越快结婚，越好。
我爸妈思想比较守旧传统
距地话，如果稳女仔结婚，一定要怀孕才可以登记。
最怕娶翻来无得生，到时亲家都变冤家。
如果大家都有感觉，了解可以慢慢来。
我都系一心想稳个女仔结婚，平平淡淡过一生。
宜家征收，以后我们结婚了，生活都唔使忧。
加上我北上还有生意，所以你嫁我，绝对唔会俾你挨苦。
我听到呢度，唔知俾咩反应距，距讲既嘢虽然好直接，但系又好现实。
然后距接住讲，如果觉得我唔够诚意，我可以开张20万蚊既支票俾你。
不过呢张支票要2个月后先可以去拿钱，因为我担心你拿支票去拿左钱就唔见我。
虽然我甘既担心系多余的，但系，希望你能理解。
这段对话内容完全超出，我想象范围。
我当时同距讲，我回去考虑下。
距再无“逼问”我...
吃完饭我们，去逛了一转儿童公园。
他和我说他小时候，这附近都是田地和小山。
他们一班小伙伴儿时游玩的经历...
每次和他聊天，好像都被他带着节奏走...
但是我觉得和他聊天挺舒服的...
逛完增城公园，他开车送我回新塘。
这个星期我一直在想这个问题...
好吧今天我终于想通了！
朱先生，我们的缘分就到此为止。
第一、我不是贪钱的女人
第二、我们连双方的父母都没见过
第三、空头支票可以随便开，可以开200万、300万，能不能兑现是另外一回事。
可能开始我对你有好感，导致我有点不理智，但是你这样的行为，细想之下，让人觉得就是一个套路。
如果一个真系喜欢你的女人，毫无意外，很容易就被你套进去。
你说支票2个月后才能兑现，是不是期间我们就要发生关系？你想骗我的第一次？
如果我真的相信了，你想要的都给你了，2个月后这支票可能就是一张空头支票，根本拿不到钱。
虽然我是做会计，但对支票这东西接触不多。
对于一个才认识1个月左右的人，我对你的了解的确不多。
我对你的所知，都是同你口述得知。
但实际是这样吗？
我没去过你家，没见过你父母，没看过你的身份证，户口簿。
是否真的单身？其实细想，我对你根本一点都不了解。
系度，提醒各位女同胞们，如果遇上类似套路，请勿上当！
|
置顶卡
变色卡
有变！涉及荔城、石滩、派潭、正果、中新..
