关于方言&增城方言的争论

睇左《增城既地方方言系咩话？(我吾服气！)》哩个贴，忍唔住要出来解释下。尤其系该贴73楼嘅跟帖，觉得此人好可笑。

Quote:
引用第63楼★神★于2007-08-21 01:39发表的 :
大家都系增城人,何必嘈呢????

增城话几时都系白话应该话系荔城话先岩~~~~客家讲米客,即使人多又如何,都吾系本地,客家人都叫非客家人为“本地人”,证明本地就系讲荔城话架。

反对增城话几时都系白话，你都识话本地啦，又何来噶白话？？人地广州个D新称得上系白话，增城呢D最多系本地话即。
至于方言嘛~~~~？？
甘就仲要研究下拉~~~~~

以上系该网友嘅跟帖。
本地话同白话有区别咩？白话本来系指粤语方言（我查过有关资料的确系锦解释），广州话同增城话本来就区别唔大，点解广州话可以系白话增城话唔可以？只系口音唔同。中国各省都有自己方言，而且方言内部都有口音差别，大家唔系一样将距统称为一种方言咩？该网友嘅观点实在俾人一个崇洋媚外嘅感觉。
就用客家话来打个比方，系广东东部、北部大部分地区、闽西、闽北都有好多人讲客家话，口音都唔一样，但系差别唔系十分大，按照你嘅逻辑，你话我知边个先叫客家话？

言归正传，地域方言嘅解释系：语言因地域方面的差别而形成的变体，是全民语言的不同地域上的分支，是语言发展不平衡性而在地域上的反映。所以，方言唔可以单独存在，仲要同地域挂钩，中国系汉语方言区，东北、华北地区系东北方言区，长江三角洲三省为吴方言片区，而广东、澳门、香港就系粤语片区，如果要再向下分，湛江话、广州话、东莞话、增城话等等，再继续分，增城话又可以分为石滩话、仙村话、新塘话等等。所以我唔明点解有人可以否认增城本地话唔系增城方言！
虽然唔可以否认增城话系增城嘅方言，但系睇返客家话，根据其历史、人数、地域等因素考虑，客家话完全有资格算得上增城地区嘅一种方言，难道一个地方就唔可以有几种方言？上面讲到嘅方言区好多都系地域上有重叠，即系话一个地方成为2种甚至更多方言嘅方言区，所以增城都唔例外。

为左个锦嘅问题争来争去几无谓呢？既然大家都承认自己系增城人，就唔好为左D禁小嘅事伤和气，问题系用来讨论嘅，唔系用来争吵；增城嘅论坛系增城人嘅交流平台，唔系训练粗口嘅地方。
废话唔多讲，希望大家可以和睦相处就系啦

我读得书少，如果大家认为我有咩地方讲错，欢迎下面跟帖 [s:125] [s:125] [s:125]

甘讲法如果要大致分既话，米即是依人多所占区域大来讲既话增城方言米系客家话？

人达到一定数量，语言有一定影响就可以算系方言，依我嘅讲法系客家话同增城话都系本地方言，上面讲得好清楚啦。麻烦你读多几次先。

楼主系讲咩话嘎？

我一D客家血缘关系都无，你话呢？

引用第4楼好久不贱于2007-08-23 11:56发表的 :
我一D客家血缘关系都无，你话呢？

甘你系讲本地话？

嗯嗯

大家和谐相处米好咯 [s:126]

冇乜好争论。我晤信在座讲的本地都系正宗大众本地。我都晤信在座讲的客家系正宗客家话。中国系一个多民族国家，语言习惯同生活都系度不断融合。讲客家人系客的所谓“本地人”麻烦翻去查查族谱，比对一下你地祖先同客家祖先边个先到增城落脚。语言在于沟通，在于有文化的支撑同承托。有时间争论的本地人同客家人，不如花多D时间向你地的老一辈学习吓本地文化同客家文化啦。你会发觉其实增城本地人同客家人的文化好多已经融合佐系一起架啦！

引用第8楼苏醒之光于2007-08-23 12:41发表的 :
冇乜好争论。我晤信在座讲的本地都系正宗大众本地。我都晤信在座讲的客家系正宗客家话。中国系一个多民族国家，语言习惯同生活都系度不断融合。讲客家人系客的所谓“本地人”麻烦翻去查查族谱，比对一下你地祖先同客家祖先边个先到增城落脚。语言在于沟通，在于有文化的支撑同承托。有时间争论的本地人同客家人，不如花多D时间向你地的老一辈学习吓本地文化同客家文化啦。你会发觉其实增城本地人同客家人的文化好多已经融合佐系一起架啦！

[s:91][s:91][s:91][s:91][s:91]