话说当年我地只不过系读初二嘅小朋友，岩升上初二，新班主任，钟声响起上课噶信号，每个学生都期待睇下自己个班主任系点！！
班主任入来之后，第一印象就系“皮肤白，干净，不高” 性陈~~ 俾人噶感觉好好，和善，，
但相处落来，觉得距好鬼严格，好凶，闻风丧胆，见到就想兜路走，所以班D衰仔就帮班主任起个花名（白鬼！） 有次我班同学打架，比学校捉住，处分，然后白鬼开骂，果阵岩好准备落大雨，黑天黑地，又大风，想关窗，叼！白鬼放紧大招，你敢动？？找屎！！ 唔知边个饮空噶汽水铁罐俾风吹倒，个汽水罐一直俾风吹到到处滚，好响！ 加上班主任放大招中，果种情形简直腥风血雨！！
有次我调皮叫开要剪头发，我无剪，我话唔记得剪，果阵比距捉翻办公室，我以为距会闹我一餐饱，点知距话我几句就算，讲一D道理啊，学校规矩啊，然后写张请假条俾我出去剪头发，剪完翻来~~ 呢一次我感觉不可思议。其他时间一样好严格，见有手机，没收！有D咩可以玩噶野，见到，没收！加叫家长！
老师虽然严格，但好多时候都系为我地着想，又讲好多道理俾我地听，教我地做人！！
直到有一日，距讲野好奇怪，讲咩以后要生性啊果D野！ 没收果D野全部俾翻我地！ 差不多每个人都点名讲果位同学噶缺点，话距以后唔好再咩咩啦，生性D！ 仲话我以后记得剪头发啊！ 其实果阵我已经有不详噶预感！我相信我地班同学仔都feel到.
到第二日，白鬼无来，换开个代班主任，，距发比我地每人一个礼盒！每个礼盒都有写同学噶名字！ 里面系一块心形朱古力！ 当时全班同学感觉莫名其妙，都感觉莫名噶伤感！ 代班主任话我地原班主任病了，要到广州大医院接受治疗，呢D系老师比你地噶礼物！！咩病就无讲，班女同学听到就已经忍唔住扒系度，肯定系度哭！我D眼泪都系眼里面朗下朗下咁，好伤心。 同时都祝福老师早日康复！！
过一段时间我地已经收到消息老师已经病逝！个个同学仔都好难过，有D女仔坐埋一齐哭，我地男就沉默寡言！我D眼泪又系眼里面朗下朗下~~~~~时间越来越快，班主任已经换成另一个女的，这个班主任令人讨厌，会打人，说话狠毒，我真的好挂住我噶（白鬼）班主任！ 然后一日我有剪头发噶，但唔合格，距就捉我翻办公室，刮左我一吧！然后强行用剪刀张我所有刘海剪光，加上恶毒噶话句，令我想起（白鬼），教导我那些日子。。搞到我当场哭左~~
我真系好挂住你啊，陈老师！ 如今出来社会，你还一直在我心中~~ |
置顶卡
变色卡
石滩挺住！
