喺某年的某一天，果时正係最炎热嘅季节，我与红喺公交车上偶遇。确切咁讲，我见到红嘅第一眼就产生咗爱慕之情。
果一日，红着住白色短裙，上配天蓝色嘅上衣。咁样嘅搭配喺炎热嘅夏天俾人一种清凉如水嘅感觉。红生得好秀气，特别係肤色非常洁白细腻，就好似婴儿咁让人忍不住上前想亲吻似的。
我后来先知，原来自己同佢竟然就喺附近上班，我仲同佢公司D人都好熟。
我係一个性格非常腼腆，自尊心又好强嘅男仔。喺中专嘅3年时间，校园里嘅爱情就好似洪水泛滥一样，只有我两耳不闻窗外事，一心只读圣贤书。死党小明曾笑称我唔係同志就係书痴。
红係我第一次产生冲动并想拥有嘅女生。
小明好够仗义，帮我分析咗一日一夜，找出前因后果，特别为我度身订做咗一套最好嘅行动方案。为咗感谢佢，我用咗成半个月嘅工资。
我嘅第一步，就係约红喺公司最好嘅朋友阿羡出来聊聊。
讲真果句，平时我真係好少注意到羡。喺我印象里，佢係果种好朴实，安静嘅女仔。
羡好爽快咁答应咗我嘅邀请。我选择咗一个环境非常优雅，好适合倾计嘅地方坐咗落来。
羡係一个极其聪明嘅女仔，于是喺适当嘅时候，我提咗一下红嘅名。羡马上呆咗一下，然后瞄咗我一眼。一下就明白我真正嘅意图。对我笑咗笑讲：“关于红，我最了解佢啦。你呢餐饭如果係为咗佢而来，我可唔想咁便宜你喔。”
我有D唔好意思咁抢住回答：“边度係，边度係，只係随便聊聊。”
“真係？随便聊聊？咁就当我理解错咗啦！！！”羡嘅笑容就好似6月嘅阳光一样明媚。我发现，佢嘅左边脸颊竟然有个迷人嘅小酒窝。“算啦，都係唔玩你啦，如果你真係想追到红，咁就真係要落足功夫先得啦。”阿羡接住讲。
“冇问题！”羡嘅话让我欣喜若狂。顿时发觉原来佢都几靓噶，唔係果种令人眼前一亮嘅美，而係需要细细体会嘅果一种美。
接下来嘅一段日子，我喺羡嘅指引下，做咗好多嘅事。我感觉到自己离红越来越近啦。因为咁，我都成日同羡见面，每次佢都会帮我分析情况，帮我打气。我甚至会有那么一瞬间嘅冲动，叫小明来追阿羡。咁好嘅女仔，与其让俾其他人，还不如留俾自己兄弟。
历史时刻终于到来……
依家嘅我比一个几月前底气多咗好多，我知道咗红平时嘅喜爱，亦都知道咗红欣赏点样嘅男生，知道咗红以前嘅恋爱经历。甚至连佢平时钟意用咩颜色嘅唇膏，用咩牌子嘅香水，着几码鞋，细到不能再细嘅小事我都知道得一清二楚。我感觉到依家真係自信爆晒棚。
喺羡嘅安排下，我终于同我梦中嘅女孩喺一家西餐厅见面啦。
见到容光焕发嘅红安静咁坐喺我面前，唔知点解我又突然变得手足无措，傻劲又上来啦……我始终唔敢讲我要讲嘅嘢，只係结结巴巴咁讲咗一大堆嘅废话。睇住天色已晚，时间就咁样一点点过去，我有D着急。
冇谂到居然喺呢个时候红讲嘢啦：“你唔使紧张，其实我知你约我出来嘅目的。”我双目一呆，难道红要采取主动？“你係咪想揾我帮忙？”红笑咗起来。“帮忙？！！！”“係吖！你今日请我来唔係为咗了解羡咩？”“啊......！！！”“你想了解D咩吖？我将我知嘅都讲晒你听”我望住红,都唔知讲D咩好
然后我都未问佢，佢已经开始滔滔不绝咁话俾我知关于羡嘅一切，比羡话俾我知红嘅嘢仲要多，仲要详细。我有D啼笑皆非！红又话：“呢段时间，羡成日都喺我面前讲起你，话你有几好，我起初仲以为佢暗恋你呢，原来你哋係互相暗恋，哈哈。”红开始自作聪明咁笑起上来，而我都只好喺一边傻笑。“羡从来都冇喺我面前提过男仔，就係呢排成日都讲起你，咁即係佢对你有意思啦，你要好好咁把握机会啦，我觉得你哋都几衬。”
好晕吖...佢话我同羡好衬……
同红嘅约会终于结束，我几乎冇乜点讲过嘢，由头到尾都基本上係红喺度滔滔不绝。帮我出咗好多嘅主意，教我应该点样同羡表白，点样先可以打动羡嘅芳心等等……
返到宿舍，小明即时就问事情发展如何，我都未讲得完，佢个死仔就喺度大笑啦，俾佢踩死咁踩。
冇计啦，唯有向佢请教啦，叫佢帮我谂办法。唉，人在屋檐下不得不低头啊……
“你直接去揾羡，将成件事讲清楚，然后再去揾红，向佢示爱，就係咁简单。不过兄弟，你一个人应唔应付得到先？”
“废话，就呢两件小事，我做唔到就係四脚爬爬王八。哼！”小明嘅激将法将我逼上梁山，准备要做烈士啦。
我约咗阿羡出来，语气并唔咪几好。开玩笑，话晒我都係个帅哥吖，话佢暗恋我就差唔多，话唔定件事就係佢喺度搞鬼。讲完成件事之后，羡笑了，“你都几傻喔，你做咩唔当场讲清楚呢？只有你自己去同佢解释啦，如果佢误会咗我同你好，咁你就真係冇希望啦。“我听完马上埋单走人。
再次约红出来，仲係上次果间餐厅。呢次我已经冇再讲多余嘅废话，因为我知道呢次係最后机会啦。
“红，我呢次约你出来嘅目的，唔係你想像中咁样。因为我钟意你，所以约你，同羡冇关系。”
“我哋大家都係朋友，你钟意边个冇所谓吖。”我开始发觉红好似喺度扮嘢咁。
“我嘅意思唔係咁，我，我，我……”
红都唔讲嘢，只係望住我，我喺佢双眼睇到咗希望两个字，我勇气上来啦。
“红，我爱你，由见到你第一眼我就爱上咗你，我只係揾羡来帮我手，我同佢真係冇嘢，你千祈唔好误会。”我未讲得完，就已经感觉到块脸好似有火烧咁。
红仲係唔讲嘢，只係望住我。
心谂，死啦，原来佢对我冇意思，当时好想时间过得快D，有D想走佬嘅感觉，见红仲係唔讲嘢，我硬住头皮讲咗句“唔好意思，当我冇讲过。以后都唔会再烦你，我哋走啦。”
我企起身，正准备行走，突然红讲嘢啦：“你打算以后同我一齐果阵都係唔埋单就走人？”
我呆咗一下……“我话，我哋以后喺埋一齐嘅时候，都係你埋单，听明白未？”
我马上一句“收到，以后都由我来埋单。”即时走去服务台交钱。
红喺我身后讲咗一句话“傻瓜。”我即时回咗一句：“傻人有傻福，哈哈！”然后我哋对视而笑！！！
餐厅行出唔係几远，就係一个空旷嘅广场，我对住空旷嘅天空鞠咗个躬。红问我做咩吖，係咪又傻咗？我话俾佢听，我要多谢老天爷，我幸福了。
我的初恋，在那一年的夏天…… |
置顶卡
变色卡
定了！32亿！增城这条村建...
