人工處女做拖友３６%男人OK

人工處女做拖友３６%男人OK

【東方日報專訊】傳統o既道德觀念認為，娶老婆一定要揀個處女，咁先至代表佢夠忠貞，行為夠端莊。不過時至今日，雖然呢種貞操觀念已經變得淡薄，但係仍然有部分男性堅持非處女不娶o既態度，為o左迎合佢o地心理上o既需要，於是有人推出o左一種「人工處女手術」，讓失去處女膜o既女性，能夠重新打造一塊處女膜。究竟呢種係自欺欺人o既方法，定係為美滿婚姻奠下基礎o既橋樑呢？撰文：阿豪

近五成人冇所謂
最近台灣就有網站，針對「人工處女」呢個問題進行問卷調查。佢o地透過網絡總共訪問o左三千二百多名成年男性，研究佢o地對「人工處女」o既接受程度。發覺仍有為數不少o既男性，不得處女膜不能安心，就算係「人工處女」，亦會令佢o地覺得有成就感咁話。

1）你接受「人工處女」做你女友嗎？
接受：24%　　　不接受：27%　　　冇所謂：49%從調查結果可以發現，有接近半數受訪者認為冇所謂，更有兩成四o既受訪者接受「人工處女」做女友。從調查結果o黎睇，看似大部分人都冇處女情意結。不過，有不少受訪者指出，如果畀佢從非處女及「人工處女」揀一個o既話，佢情願要「人工處女」，咁樣起碼心理上會覺得好o的，認為咁樣更能夠有滿足感，講到尾，都係有塊膜最好。

2）如果知道女友係「人工處女」，你會有乜o野反應？
尊重佢o既決定，因為處女膜無價：30%只要能令我感覺舒服就得，真假都冇所謂：24%就算係假o既都好有挑戰性：36%並非結婚對象，反正騎牛搵馬，一試無妨：5%我只會同處女拍拖，其他一律免問：5%為o左迎合男士o既需要，有部分失去薄膜o既女性，都希望進行「處女膜修補術」，希望能夠挽回自信，提升自我價值。姑勿論此等心態是否要得，但從男性角度o黎睇，大部分受訪者o既反應都比較正面。不過，不能忽視o既係有三成六o既人接受「人工處女」，只係認為佢o地有挑戰性，是否全心接受，確實有待商榷。

處女情意結
「處女膜修補術」屬於整容手術之一，主要針對處女膜破裂而進行o既重建手術。不論你經歷過一次性行為或多次性行為，都可以為你修補。經手術後o既處女膜，一般o系一到兩個月後，就能恢復如初。不過，呢種手術有一定風險，大家一定要三思而行。

做了还不是假的。。。
不要求一定是处女 要求双方彼此的相爱就好了

楼上讲得没错!

虚伪的做法~

[s:69]我只要真心就OK啦.

楼主你个两项投票选择。D意思都九五搭八既

只要彼此相爱着对方、
     什么处不处女又有什么关系

恩呢

顶唔顺。

发瘟``