见到微信上D人转发既信息,就打算去呢间名人馆试下濑尿虾,打电话过去问下,原来系要预订的,我系下午5点打过去,老细话濑尿虾已经订晒了~龙虾仲有!甘就订左两只花龙虾特价68蚊。晚上6点15分左右我去到先,见到全部台都已经系被人订晒!好彩打个电话问下先,唔系黎到都无得食!跟住就系度等朋友6点45分左右到,然后就叫菜啦,两只龙虾,一只乜乜膏蟹,两粒大贝乜,一碟炒菜心,一杯柠檬红茶。然后就系一个漫长既等待!真系超级耐!呢间店面员工貌似睇黎睇去都得5个,两个好似老细专门负责落单的,落单速度超级慢,有个女既貌似老板娘咩都做的,然后两个服务员,走黎走去好似好忙。
应该等左大半个钟....一个菜都无上到黎,然后我朋友就叫个老板过来话好肚饿,菜心都炒过黎吃住先啦,过左阵就黎左一碟菜心。。。。然后继续等,等到我用手机电视剧都睇完了[s:117]
然后又等左半个钟左右吧,终于上黎左一只蟹,2斤4重,好似系88蚊一斤,我已经唔记得左佢叫咩名了,真系好大只啊,里面超级多膏啊,味道几甜,几好几好,一个人食左半只蟹仲有D膏,已经觉得饱饱地了!
又过左成半个钟,上来了一只姜葱炒龙虾,原来订左既两只花龙虾,佢呢度得两种煮法,一种系咖喱煮一种系姜葱炒,咖喱果只系临走前10几分钟生左,但系已经饱到食唔落成只打包左!姜葱炒会好食D,比较香,只虾分量都可以,毕竟价钱便宜,味道满意
都系等,等待既时间太长啦!终于等到呢两粒元贝,20蚊一粒感觉有点贵,一啖就无了,无咩感觉,唔评论
最后食唔晒,打包左咖喱龙虾,蟹的一小部分,仲有呢堆蟹脚!!
买单460几,价钱唔算好贵,味道都OK,只系等得超耐,希望厨房可以增加多D人手同炉具煮野啦!温馨提示:记得要打电话过去预约先啊!唔系又无台又无野食~~ |