夏街大道果间装修好果间曼凯伦（旧名叫尚艺）不愉快既经历！

夏街大道坑人发廊 连哄带骗剪头发花了200多元

上个星期同两个朋友吃完饭出去剪头发发生左件唔愉快既事情，朋友有尚艺会员卡就选择左夏街大道果间，以前叫尚艺，宜家装修好晒仲有咩SPA服务果间，入到去一如以往甘等左成个钟，我朋友入去洗先，佢后来讲返出黎：同佢洗头甘靓女话佢肩膀好硬，推荐佢去88蚊（忘记系唔系呢个价钱了）专业按摩，我朋友就话‘洗头都有得按摩啦，唔洗啦’，靓女就话呢D唔同咖……一番说话之后，我朋友都系话‘唔去啦，你同我洗头得了’到洗完之后个靓女就话我帮你开个优惠既套餐啦，去啦，然后一边推我朋友去按摩果边的房间，我朋友就发脾气了‘我都话唔洗了，你推我去做咩！’呢个系第一件事。

跟住我朋友就落楼系度等候发型师剪头发，因为前面仲有一个人，我朋友就坐系发型师隔离睇住，见到个发型师同个女顾客讲叫佢电头发做发型，个女顾客不停话不用，个发型师不停甘丛勇佢去，然后拿果D点发卷整落个女顾客度，同佢讲‘去啦，2个小时就得了’个女顾客估计都系坚持唔住就讲左句‘你怎么这样子，你又是这样子’，女顾客呢句话真系意味深长啊，呢个系第二件事。

最后重点唔愉快系我第二位入去洗头发既朋友，洗头既时候个靓女无叫佢做咩野，但系到剪头发就到个发型师出场了！个发型师话佢个发型唔好睇，话帮佢转个发型，要做咩矫形，全部搞掂98蚊！我朋友开始就话唔做，个发型师就话‘98蚊！10分钟！价钱你知道啦，时间你知道啦，你有咩理由唔做呢’。。我朋友又系一个心软既人，见到人地系甘推销就话‘做啦做啦’甘，然后佢个头被人架上左一台机器，好似焗油用果种机器，唔好话10分钟，起码有20分钟，先拿开果个机器然后去冲洗一下，跟住就剪头发做发型。做完之后，我见到只有一个感觉“好样衰！”。

都算了，终于搞掂晒，埋单！出事了！呢个被人叫去矫形既朋友，埋单被告知要两百几蚊！之前话98蚊搞掂既数，依家多左一份原本既剪头发钱，同一份焗油钱。个店长话价钱就摆系呢度我无呃你咖，系，你系无呃我，但你当初无讲价钱讲清楚，2百几蚊剪个头发真系当人傻仔甘，仲要剪到甘样衰，我朋友话个发型师根本无讲过要咩焗油钱，佢就话98蚊搞掂晒，甘系忽悠客人吗？？算了，怪自己当初无一五一十问得清清楚楚，无录音，无证据。我朋友最后埋单，不过打死都唔会再去呢间店。

感觉尚艺都已经变味了，宜家去剪个头发都被人不停游说推销，耳仔软D既人都顶唔紧啊！甘样既经营方式同对待客人，真系想人地去帮衬一次就算？我去过好多发廊洗头剪头发，但系都未见过呢间推销推得甘严重既！

个人觉得消费太高咯，所以我从来未去过！

5555555555555555555555

间野简直呃人，未装修个阵哄到冲一千蚊，结果家下剪发升到七十几蚊，上次我老公带朋友去，个朋友俾店员哄洗脸，卖单个阵先知洗脸要三百几打完折二百八，仲要滴洗脸奶系无说明介绍个种！如果我在场我一定闹餐他，我去正规美容院开卡一千蚊都洗到十次啦

懒猪 发表于 2014-10-4 23:34
个人觉得消费太高咯，所以我从来未去过！

佢岩岩装修好果时我地又系三个去，一个洗头，两个剪发，埋单75蚊！过左差唔多一个月再去就升到50同70蚊了，70蚊系总监，剪头发呢个价钱都可以，但系就系哄人搞呢样果样果度衰

lily1987 发表于 2014-10-5 00:28
间野简直呃人，未装修个阵哄到冲一千蚊，结果家下剪发升到七十几蚊，上次我老公带朋友去，个朋友俾店员哄洗 ...

原来有同路中人！我地以前去人人乐果边间的，后来装修没开，就去左夏街呢间，可能岩装修好，2个剪发1个洗头75蚊埋单，点知再去就升到50同70了。洗个面2百几去到美容院都已经系高级洗面了，我真系唔明点解有人去呢d地方洗面，按摩，做美容护理既！

___小蚊 发表于 2014-10-5 00:37
原来有同路中人！我地以前去人人乐果边间的，后来装修没开，就去左夏街呢间，可能岩装修好，2个剪发1个洗 ...

以前剪发有卡三十左右嘛，一升级就甘，我用埋滴钱都转其他了，洗脸去美容院又正规又平，洗鬼去距度啊

荔城大道那间新偶像不错，貌似没有这种乌烟瘴气的氛围。去剪过两次头发，发型师都没哄你做这个做那个的，你跟他说怎么剪就直接帮你剪了。就是洗头妹子会哄你办会员卡，不鸟她便是~~~

idd008 发表于 2014-10-5 01:44
荔城大道那间新偶像不错，貌似没有这种乌烟瘴气的氛围。去剪过两次头发，发型师都没哄你做这个做那个的，你 ...

[s:117]有呀，2号晚去了个度剪发，个发郎仔话我头发少，就话我洗的发水不对，我不理距，距就没有推销，然后话我头发不可以拉直，叫我要电了。还叫我3号去稳距电发。有毛病呀，30几度叫我去电发。俾我话先叫我迟的去。总之依家间间都差不多都是推呢样推个样。个人好讨厌的发型师，着到不伦不累仲觉得自己好有艺术感，好有时时尚感。而且感觉好轻浮。

.....