其实，每个去蒲场既男人女人都想开心，都想稳D女啊，稳D仔啊一齐玩
再晤系就想去沟女，想去识靓仔……
但我想同出来蒲既大姐，大哥，弟弟，妹妹讲：希望你睇下呢篇日志
想好high，就要有女
想有女，就要去沟
想沟女，就要借醉
想借醉，就要有酒饮
想饮酒，就要有钱买
想有钱，就要有份好工
想有份好工，就要有知识
想有知识，就要读好书
想读好书，就要比心机
想比心机，就要5好挂住蒲
想5好挂住蒲，就要收心养性
想收心养性，就要加强自制力
想加强自制力，就要有个正确既人生观
想有个正确既人生观，就要睇你自己啦。
所以，无论任何人因为咩事，有D点样既烦恼，遇到D咩困境都好
到头来，要解决既话，都系要靠自己！
呢个世界，存在好多好多既诱惑，好多好多既陷阱
同时，都存在好多好多既精彩，好多好多既机遇
就睇你点样正确甘去行果条只属于自己既路
点样去把握自己既人生。
其实，去蒲无可厚非，但系蒲亦有度，丧蒲系无意义！
要知道蒲，只不过系属于生活的一种调剂方式
蒲并5代表生活既全部，更加5系人生既全部！
现实中，仲有好多重要既野等住你去做，等住你去建立，等住你去支撑！
抛开D有几千万身家既富家后代，有权有势既官宦子弟5讲
平常既后生每次出来，用呢样或者裹样既借口问父母罗钱既时候
你有无霖过父母赚钱有几艰难？
可能你阿妈为左省返一个几毫
系市场同个卖菜佬讲价讲左N耐
可能你阿爸为左多稳一百几十
挨夜、通宵加班、费寝忘餐！
而你每次出来，最少都要用一千几百
你用既时候，自己内心有无觉得愧疚？有无埝过父母既艰辛呢？
其实每个人，都有一个肩负起家庭既重任
父母留比自己既野，究竟有几多？你自己都清楚。
唔通到左20几岁人，仲要住屋企、吃屋企、要父母养？
有人话自己后生，大把时间，大把精力，人不风流枉少年
其实，有几多青春，精力同埋健康可以罗来比自己浪费呢？
无论你几饮得都好，饮酒饮得多，自然个人既体质就会差
酒精由个胃吸收，由个肝去消解，但系器官机能系有限既
迟早D胃溃疡，胃出血，肝炎，肝硬化都会出晒来
我并唔系吹，你10几岁人仔仲系发育期就饮甘多，过左23、4岁你就会来野
依家比你沟到条女，揽揽锡锡系好正呀！甘吾去蒲都可以沟女既者！
但系你有无埝过，当你到左成年既时候
大部分女人会唔会跟住一个无份好工、要屋企养、身体又唔好既人去过世呢？
好多人开始出来蒲，都会觉得蒲场好精彩，好过引，简直就系一个“伊甸园”
但系，我想同你哋讲，其实对于你地，蒲场系一个“失乐园”
好多人，蒲蒲下就会觉得好迷惘、好失落、好空虚，点解？
答案好简单：你“无货买”咯！对于男人，咩系货呢？
无错，样同身材的确系一个基准
但系人地更加注重既系你既身份、地位、收入
继而延伸到性格、谈吐同最重要既内涵
你哋几时见过，一去到就静系识叫人饮酒同自己死J酒既人会蒲得起？
系蒲场，好多后生仔都周不时会“哇哇声”
当你地见到人地食紧D烟系芙蓉王、中华既时候，而你吃紧羊仔……
当你地见到人地穿金戴银、着住D名牌出来蒲既时候，而你着住件几十蚊既衫……
当你地见到人地罗住部新款手机，打电话、发短讯既时候，而你得部小灵通……
当你地见到人地比钱果阵，成叠100蚊纸系甘数既时候，而你比完之后就只剩番返屋企既车费……
你自己个心，系米好唔平衡啊？
继而，比到个第一印象你，就系：觉得钱好重要！
但系你又无甘既能力去稳到甘多钱，点算啊？
心态好少少既，有D外在条件既米去做凳场咯
心态差D既，无咩外在条件既米会做D违法既事咯
无论系做凳场定系违法既事情都好
你觉得，你系咪稳紧你自己最宝贵既青春来作一盘必输既赌注呢？
大家响蒲场都见到好多70年代同80年代初出生出来蒲既人
好多后生都问：点解佢地可以蒲得起？点解佢地可以日日蒲？
佢地同你地唔同，佢地已经有成功既事业，有工作上既需要
并唔系好似你地甘无所事事，自以为很逍遥
好多人都只系见到佢地表面既风光，一掷千金既潇洒
但系佢地20几岁裹阵，辛酸既拼搏，艰辛既工作又有几多人会知道同了解呢？
佢地已经过左裹个打基础既时候，依家佢地既基础已经打好晒
所以佢地有条件，有资本去蒲
因为佢地有一个强而有力既后盾，佢地系“辛苦稳来自在使”
甘你地呢？
“辛苦稳来”既系你地既父母，你地以后使钱仲会五会觉得“自在”
讲左更多，目的只有一个，就系希望大家可以反省一下自己，反省一下过去
最后希望，大家可以为自己以后既人生而努力
多D关心自己既父母，爱惜距地，仲有距地D钱。
每个人都有过反叛期
甚至我自己都系
当我仲系十六、七岁果时，无知又好胜，想出位就要做D事出来
结果呢，每个人都见到我当时系如何“坏”
一人一把口，扇风又点火，点火又加油
到佐衣家，有D人对我既印象仍然定格系我既十六、七岁时
人地点讲你，就系话你“坏”
自己听佐，紧系唔平衡，紧系想反驳，但系，挥霍过既青春，唔可以重头再来
我只可以唔好再挥霍自己既将来
依家埝下，自己除佐后悔年少时唔懂事同埋太出位，又可以点~
人地睇你，无论你系好定坏，都永远唔会将你好既一面到处唱
只会唱衰你，你既坏处即使只有那么一个小黑点，都会比人唱成系一片黑，一块黑纸
我之前睇过朋友资料既一句，讲得好岩：“世界不会在意你的自尊，人们看的只是你的成就。在你没有成就以前，切勿过分强调自尊”
凡经一事的人，就必会长一智
|
[复制链接]
置顶卡
变色卡
拆了！增城这栋楼...
