就系岩先，见证了屌丝一夜成为高富帅

我知道A张系短命贴，好快会被删。话说好耐好耐噶岩先，同高中D沙煲兄弟出去食饭，由于涉及私隐，就用ABCD来代替。介绍下背景：我，纯粹屌丝一名。A，征收拆迁户，罗岗人。B西瓜岭人，拆迁户。C，金星人。D山田人。因为好耐好耐未见，所以大家唯威畏食餐饭。一开始我先到，就搵个落地窗旁噶位坐紧。过开一阵，见到有部白色锐志改廿寸轮毂加绞牙避震开过来停低，见到两条茂鲤落车。。。冇错，就系A同C。过开约5秒，又见到一台爆改马自达3开过来停低。都冇错，就系B同D。死啦，乜情况哇，一个二个都发开达哇。然后大家坐低揸下手仔。。。。我问A，乜你发开牛达咩，你台孖T哩？A话，征收分到百几两百粒，当烂铜烂铁卖开啦。哇！！！然后又撩B，以前你连飞摩都觉得嗮钱，买得起车噶？B话，今时唔同往日。。。。然后C同D系度喊苦，唉，ZF唔知点搞噶，一时话征收，一时又话唔征，直头比佢玩死。（期间我一直冇讲野）A话：你无以为有百几二百粒好威，唔知几多个家庭比钱拆散开。B话，本来同我老豆就唔妥，征完收有D钱，咁岩比我捉紧佢鸡脚，比我作开佢一笔。C话：唉，自从知道要征收，就即刻辞工翻屋等征收，等到加下都冇生气，银纸又冇了。D话，米就系，你征唔征都出句声吖，一方面又话唔征，一方面又唔比起屋，我村准备结婚D人都冇屋结。A个时候，我出声，有钱，唔好忘本。冇钱，继续工作。哈，佢D听完个个都担高头望住我。。。见气氛有D尴尬，就指住碟酱油话：唔该，打包。          其实我觉得，A同D讲得有道理。钱，系我角度来睇，根本唔重要，只有一种食之无味弃之可惜的感觉，亲情，系唔可以用金钱衡量，但系，当金钱站起来说话时，一切真理都沉默了。学D话斋，征唔征都同人讲下，都冇错，村民被你玩弄于股掌之中，好玩吗？连人生头等大事——结婚都唔可以自己揸fit，想结婚都冇屋，身为父母官，好应该同村民交代清楚怕，如果你话征收唔比起屋，咁好正常，既然你唔征收囖，米比人起屋囖。       最后，希望我D噶兄弟情唔好因为钱而变质，唔好忘记我D齐齐打班初中鸡打到手肿噶日子，，，唔好忘记我地系宿舍食烟吹水吹通宵噶日子，，，唔好忘记。。。。。唔该，埋单！

[s:126]坐低慢慢睇

[s:118]

钱可以淡化一切。

钱系万能的

[s:83]万恶既金钱

有几个钱就在扮野了`

奥迪 发表于 2013-9-5 22:43
有几个钱就在扮野了`

宜家唔办，几时办？

奥迪 发表于 2013-9-5 22:43
有几个钱就在扮野了`

所以最后我强调，唔好忘记我地以前噶日子

松江花 发表于 2013-9-5 22:47
所以最后我强调，唔好忘记我地以前噶日子

好多人有钱就变质了