追女仔绝技!男仔必睇!女仔吾准睇!

8. 混合

Trouble shooting篇:

问: 唔识个女仔,第一句讲咩好?
答: 第一句讲咩其实唔重要,但系一定要自然,同埋要比对方觉得你系随机性问到佢
  另一点要记住既系,第一句话最好系问题,仲要系open ended question
  open ended question通常用(点解,点样,你觉得)黎开头,目的系要对方既答案多过两个可能性(系,唔系,好,唔好)
  例子: (错误做法) 男:可唔可以比你电话号码我呀  女:....(得两个可能性既答案)
     (正确做法) 男:唔好意思呀~~我想问你比一d意见,咁既~我个frd..... 女:....(答案既可能性多过一个)

问: 个女仔好多人追,好大压力,点算好?
答: 其实,有条件既女仔一定有人追ga la,想要搵个没人追既咪降低自己条件lor
  不过点都好,多人追既同没人追既难度都系一样,没人要个d唔代表会降低条件去拣个没用既男仔
  多人追个d唔代表会求其应承其中一个追求者,我自己觉得,其实多人追个d先易追
  只要识得点突出自己,对方就一定会留意到你啦(女仔其实好敏锐)
  举个突出既例子,如果个个都送礼物比个女仔,你唔好送,但系又表现出你有意追求佢,咁已经算突出啦

问: 我想追个女仔,但系人地唔睬我,有咩办法?
答: 人地唔睬你有好多原因,不过通常都系因为你闷,引唔起人地既兴趣
  得闲买本好多女仔都钟意睇既杂志,留意下入面有咩咁吸引啦
  同埋有时间就打少d机,多d进修自己,咁样都多d话题可以讲啦
  另外男仔最常犯既错误,呢个就系死缠烂打,如果你收到signal对方系唔想睬你,就唔好再咁落去
  一下改变下自己,一下就唔好再烦人,烦住人只会令对方讨厌你

问: 我想买份礼物比人,请问买咩好?
答: 问清一样野先....人地生日咩?你买礼物比佢做咩?
  追女仔唔系靠买礼物ga,就算你份礼物好有心思又点,唔代表人地会钟意你
  如果个个都买礼物既,第二个人份礼物有心思过你,咁佢咪掂硬?
  错!依家系追女仔,你估美术比赛呀?礼物呢d野,系拍左拖之后先送,而且少送仲好,咁先叫惊喜
  另外,有d人以为,越值钱,越有心机整既礼物就越好,我可以同你讲,有人送包coffeeshop既糖都掂过你个份大礼

问: 我个人好少女性朋友,点样可以识多d女仔?
答: 如果你系呢d人,我谂问题其实系出自你自己本身多d
  可能你个人真系好闷,好静,所以没咩女仔想同你frd(参考第3条问题)
  不过如果你系环境问题所致,好似因为你读男校/你读个科没女仔读/你份工本身少女仔,咁你可以试下下面d方法
  去多d社交活动(跳舞班,艺术班,补习社,做义工,做part-time)
  最好既方法都系搭讪,够晒直接,如果你解决到同陌生人倾计既恐?,咁样成街既人都系你既朋友啦~~

问: 我本身条件差,系咪代表我追女仔会容易失败d?
答: 男仔讲得条件差时,通常都系指自己唔靓仔,没钱,矮,肥等等
  不过女仔拣男朋友时,外在条件系比较次要,重要d既系内在条件(详情参考第四回吸引力)
  而内在条件呢d野又系可以靠自我进修黎改变,都系视乎你自己有没咁既耐性去改姐
  所以做男仔真系着数好多,至少可以用后天既努力黎改变自己既感情生活,唔洗搞埋整容个d咁既野- -

问: 我女朋友要我做牛做马,钱又我出晒,粗重工夫又搵我,似系做佢奴隶多过做佢男朋友,点好?
答: 虽然港女有部份系呢d人,觉得男朋友就系应该做晒呢d野,不过都唔怪得晒佢地
  其实呢d权力系你比佢先有,如果你识得企硬自己既立场时,无论对方点扭计都没用啦
  但系港男就系欠缺呢份勇气,女方一发脾气,男方即刻低声下气,好一个绝配!!
  其实女仔天生就会识点去试探男仔,佢地会不断试探男方既忍耐限度,当男方完全没晒自专时,就等于gameover
  唔系话女仔发亲脾气都唔好理佢,而系女方无理取闹时要适当地制止佢,信我,好多女仔都想比人制止下...

(女仔篇)

问: 我觉得自己唔靓,又肥,d男仔可能唔钟意我呀,点算好?
答: 烦都没用ga la,呢d野天生既,唔通徙几万去整容咩
  其实外貌对男仔虽然重要,不过仲有其他野可以改变既
  例如身高,性格,身材等等,肥既话,咪努力减肥lor,矮既话,咪跳绳lor
  性格方面,男仔20以下既男仔通常钟意可爱个d,20以上先开始钟意成熟型,自己谂下啦
  靠美色吸引人好多时耐左就厌,所以如果性格系其他人唔钟意个d,最好改一改啦
  另外,衣着方面...我个人觉得个个着埋同一个style真系好唔掂,最好搵一样岩自己既style,突出d,咁样先会吸引d

问: 有时我好介意其他人点睇我,有没得改ga?
答: 改系有得改,不过系改变自己既睇法
  何必要理人地点睇,人地点睇始终系人地既问题,个脑生系人地度你都控制唔到啦
  而且人人都有唔同既睇法,同其他人接触就实会有,所以计较咁多都没用
  有时介意人地点睇时都系因为失败左先会介意,例如:比其他人话发姣,追男仔被拒绝等等(我唔系女仔所以唔清楚)
  依家教下另一种睇法,就系outcome over failure,来自nlp(neuro linguistic programming)
  意思系将失败睇成一种结果,系咁多种结果中,失败只系其中一个,咁样睇法既好处系唔会有负面性
  不过,千祈唔好变成大家口中既恶质港女,自信同自大只差一线.....

问: 我男朋友好细路仔脾气,我觉得我好似仲大过佢咁,有时仲成日发我脾气tim
答: 男仔系慢熟既人,反而女仔成熟得仲快过男仔,所以个男仔细路仔脾气都没办法解决
  男方唔成熟时,会引起好多问题,甚至会令感情出现裂痕
  问题例如:成日因小事闹交,觉得男方唔细心,同对方讲认真野时对方心不在焉
  我唔会比任何意见去鼓励分手/一齐,呢d始终系人生决定
  不过我就觉得男方如果唔识点照顾自己女朋友,咁呢断感情就会好儿戏
  闹交虽然系因为大家着紧大家先会发生,但系重点系闹完识得去反省,识得用同理心(jasonchong个篇有讲)去体谅对方
  如果男方系咁唔成熟既话,我既总结,就系佢仲未适合拍拖同处理感情问题

自传篇:

虽然唔系太想写...不过有人想睇,就写埋出黎啦,想睇就睇,唔睇就skip去下一part啦
我谂每个投身于呢门学问既人都会有一个故事啦,就当系鼓励下大家啦........
当时~~我岩岩同旧女友分手,当然第一件事就系好伤心,周围打电话搵人倾訢啦
咁个时就打左比一个女仔既家姐,搵佢倾(可以想像一下我当时喊苦喊忽既样..)
倾倾下,佢问我:"你知唔知道我个妹钟意你ga?",知道后当然好震惊啦~~不过又有d开心
知道佢钟意我后,我就做左第一样白痴野----买礼物,一个人一次生日,我买左5,6份礼物比佢
当然洗左唔少钱啦,而且差唔多晚晚都倾电话,又再洗多左唔少钱落去
为左lum女仔,徙左唔少时间学弹左两首歌----1. 浪漫满屋-i think i 2. 宇多田光-first love
依家谂返的确好白痴,不过信又好唔信又好,我以前就系呢种人,为左追一个女仔,咩野都会做
之后过左一断时间~~就好快钟意左人啦,仲系生日时做左第二样最白痴既野----表白
表白时,佢没直接拒绝,不过又唔系应承....详细情形唔记得左...
不过表完白之后,我只系觉得自己做得未够,所以谂埋更多无聊,浪漫既野去做
亲手摺100个玫瑰花,去佢附近既花店订花叫人送去佢学校,山长水远亲自去接佢放学
跟住有晚我饮醉左,同佢倾电话,佢同我讲左句对唔住....之后结果系人都谂到啦~~~唔洗多讲啦
被拒绝后个断日子,日日借酒消愁,另外就系日弹夜弹周杰伦既安静,一路弹一路喊,学都唔返,留系屋企颓废过日子
直到有日,我发现左一本教人追女仔既书,跟住就买左黎睇,人生从此改变.........


男性心理篇:

自问沟仔方面唔熟悉(反正我又唔系断背...),不过有只红鹭想睇,就当好心写下啦....
事先讲明,呢方面心理系讲大部份港男,都唔系偏见,而系意见,没针对边个人

男性会钟意靓/身材好既女性,如果系街度见到靓女,好自然一定会望
唔系因为咸湿,花心,而系天生就系咁既构造,如果有个靓女同一个男仔示爱,个男仔一定会即刻应承
情况同女性想追求强既男性一样,人系贪心既,会不断追求更好既野
所以好多时女性示爱成功既机会系大过男性示爱,另外一个原因就系有d没用既男仔唔钟意自己主动,求其有个都ok...
都系因为呢个原因,所以发姣个d女仔好易就搵到男朋友...唔信?如果你样貌ok既,试下系街度搵个男仔示爱XD
总结: 男仔系对外在条件产生兴趣先,内在系次要,只要唔系好黑人憎个种通常都唔会抗拒

好多男仔都会想去做奴做婢,甘心做阿四,由其系追女仔个时,你会发现佢地仲落力过你屋企个个菲佣
男仔通常觉得佢地需要咁样做去博取你既好感,如果有男仔成日同你讲话你好靓个d,佢一定对你有好感
由其系个d过时过节实会送份大礼比你既男仔,要好好留意佢地啦
仲有,出街时男方比晒钱,呢个风气都系佢地做成...其他男仔要怪就怪呢班人啦= =
想睇得出一个男仔系咪钟意自己时,可以留意下佢既身体语言,通常都系做得好唔自然....

另一样野好重要既,就系....男仔其实好蠢,所以有d野一定要讲到好明
如果你唔钟意佢既话,一定要讲明你唔钟意佢,最好讲明原因
通常呢d男仔都系浪漫主义,永远觉得你话中有话,觉得自己未衰得晒
所以唔好觉得你用最温和既方式拒绝对方系对佢好既,其实系害左佢,又辛苦埋自己
要拒绝就要用最直接既方法,唔好觉得自己好衰咁,佢如果之后知道左,佢只会更憎你

男性心理真系好难写....谂唔到啦,所以就系咁先啦- -

改变

要做一个吸引既人,最好由外在条件入手
放低改进唔到既条件唔理,只着重可以改进既条件先
之前都讲过,相貌,身高呢D比较先天性既野,几乎系没得改,所以先天条件差,喊黎都没用

衣着: 最好搵返男仔FRD帮手,女仔FRD可能会搞到你花里花碌,一D都唔吸引
   睇下身边有没衣着方面好熟手既朋友,叫佢帮你拣几个STYLE,最好唔好明牌个d,着得舒服,款式又岩自己就够
   另外最好突出d,唔好跟潮流,人地着咩你又着咩,咁样根本唔算"吸引"

髮形: 搵个好既髮形师问下意见,呢d问下朋友有没边间佢地觉得剪得好既髮廊
   最好避免去d比较up dup既髮廊,价钱100,200咁上下己经好好啦
   剪头髮最好徙多少少钱,转一转髮形其实已经成个人唔同晒,所以算系几重要既一part

手饰: 最好买d比较特别既手饰,咁既做法系用黎比对方搵话题黎倾,通常女仔见到d古灵精怪既野会问下你系边度买
   不过记住唔好一次过戴咁多,两三样己经好够,记住手饰只系衬托

皮肤: 暗疮多既话,最好去睇下医生搞搞佢,女仔好介意男仔卫唔卫生
   最好得闲fu下mask个d野,听落好似姿整左d,不过只要令皮肤睇落干净,不择手断少少系没问题既

牙齿: 天生唔直既话,如果可以最好矫正下,唔得既话就算啦
   不过去漂白一下就免唔到,牙黄个d人笑起上黎真系好得人惊
   同埋紧记,食完野之后唔好咦起彭牙笑,对方会有即刻想走既感觉....

体形: 呢样辛苦d,不过长远黎计,最好改一改
   肥既话,就去减,去跑步呀,做gym呀,做咩都好,减左先算
   瘦既话,食多d野啦....我本身天生就系瘦,食极唔肥,我谂瘦亲个d人都真系肥唔到,等中年发福啦....

改完外型,就要改内在啦~~一早讲左外型唔系最重要啦...不过外型可以比人睇得出你系一个点样既人
如果要睇住张吸引力list一样一样黎改,不如改变生活方式,咁样会快好多,而且仲好玩好多

兴趣: 打机,上网,呢d唔当兴趣,兴趣系你可以啰出黎分享,而对方又有兴趣想听
   最好搵d特别d既兴趣,篮球,足球呢d虽然好,但系好似太普遍
   比较建议去参加d课外兴趣班,可以识多d女仔,又可以同人接触多d
   做d咩呢方面自己谂,我唔会教埋你做d咩

朋友: 打机友个d...虽然系朋友,不过建议识多d比较有内涵既人,最好就识d天生就同女仔可以打得埋既人啦
   有咩用?一来,近得呢d人,实会识到唔少女仔,就算追唔到,识多个都可以令自己熟悉d点同女仔相处
   另外,又可以跟佢地学下野,睇下佢地点对待女仔,点同女仔倾计,等等
   不过就算识唔到呢d人,识左个有见识多既人都可以跟佢学下野,听佢地d经歷令自己见识多d,咁第时都多野讲d啦

屋企: 如果你系有心第时请第时女朋友/目标返屋企既话,最好执一执佢
   一定要整齐,唔排除你仲系同阿爸阿妈住,不过都最好帮手执一执,比对方有一种干净既感觉
   通常请得人上屋企玩,都系入房唔比屋企人见到ga la,咁就要系自己房到落一d心思
   例如,摆d特别既书(占卜,星座,魔术呢d野女仔最钟意)
   最好买d唔系BT落黎自己DUP既CD,摆系容易见到既地方
   尽量收埋其他女仔送比你既野,依家唔系晒命时间,呢D野佢见唔到仲好

专长: 要吸引女仔最好识几样,系倾到没野好倾时可以同佢玩下
   魔术呀,手相呀,占卜呀,心理游戏呀个D,通常一有野玩佢地就精神晒,所以呢D又称为"chick crack"
   不过记住,唔好成日都表演呢d野,如果唔系人地就当你系佢既娱乐用品

[s:91]

精华就是长

好强大,,,,,很好的经验`

赞一下先~~~