[color=#6633CC]寻晚同朋友行挂绿去散步，我睇到一处卖＂玉石＂摊档，于是好奇上前去睇吓，档主系个捞佬，就话准备收档啦，想要边个就拎去啦，唔使钱咖，仲可以抽奖（分一至六等奖，而且仲有现金奖），因为系属于公司宣传，但系按里面开奖为准．我一睇系假野就无晒兴趣，但我朋友仲兴致勃勃．
开始得我同朋友两个人企系个度睇，然后一个捞妹又行埋来睇，问佐一下就随手选佐只＂生肖＂，个档主一撕开个＂生肖＂包装就话免费送既，有兴趣可以再试吓手势（运气）如何，系个捞妹再挑选既时候身边又行佐两个又系外省既捞佬埋来，企佐唔够一分钟，随手拎起一块＂玉＂，档主撕开包装就顺手递佐张一百蚊俾个捞佬，话距中佐现金奖，一定要俾，系公司规定，个捞佬仲讲佐句：＂是不是假钞呀？＂档主就话俾零钱距，捞佬收好钱继续挑选＂玉石＂．我朋友见到如此情况亦心动，仲叫企系隔离书摊睇书既我一齐选返件．虽然本人都好中意玉石，但系个Ｄ分明就系塑胶，我一睇就唔中意，况且我身上已经够多玉石啦，唔中意既野送我都无用，就话你中意就要咯．
就甘样，我朋友落入距地设既陷阱：一撕包装，中佐＂一对玉镯＂，话一定要钱买既＂奖＂，而且一百大元一只，呵呵，我一听就笑，原来系昆人咖～ 说时迟那时快，我身边突然多佐件肥姨（捞婆）弹佐出来，发出惊人既语音：
＂你挑中了就是要给钱的，不能不给的......＂
我问：＂凭什么？＂
＂因为公司规定挑好了撕烂了包装就得要啊......＂
我就问我朋友使唔使报警，话音未落，件肥肉就行埋我朋友身边，我朋友话无带钱出来．
＂那你有多少钱在身呀？＂肥肉既语气明显缓和
＂10蚊＂
可能距地嫌少，就继续＂轰炸＂我朋友，我就叫我朋友将10蚊俾佐距算喇，当破财又好当施舍又好当买个教训都好，费事同距地纠缠．
唉，分明昆人既摊档甘都俾距摆档既？广场究竟仲要唔要信誉，要唔要声誉咖？
当然，哩个故事亦都系提醒更多纯良之人便宜莫贪啊！ |
置顶卡
变色卡
定了！涉及增城麻车村、塘头村、塘口村、葵
