第一天：
骗子：喂，认唔认得我啊？
我（心中有数）：边位啊？
骗：甘都唔认得？
我：哦哦哦！认得认得，你系大佬啊嘛，咦？点解你把声变左架？系唔系感冒啊？
骗：系啊！
我：怪唔得啦，天气变左，小心身体啊大佬，你自从上次受左伤后身体就差左啦。
骗：嗯，你都要注意身体啊。
然后系拉住拒一通乱讲（浪费拒架话费，我架接听唔使钱，嘿嘿），差唔多半粒钟，讲到拒话唔得闲啦，第二日先顷过啦，我就话好啊，得闲比电话我喽啵。
第二日傍晚，电话响，一睇，又系寻日条友。
骗：食左饭未啊？
我：未，系唔系你请？
骗：今晚唔得啦，我依家系茂名，不过我听日过东莞办事，返转头得闲就比电话你同你饮返杯啦！
我：好啊！
然后又系一通乱扯。。。。。。。。。
第三日一大早，电话又来啦。
骗：你依家方唔方便讲野啊？
我：方便！乜事甘神秘啊？
骗：系甘，我寻晚同D朋友饮大左过，点知比警察拉左，你系东莞识唔识人啊？
我：等我想想先。。。。
电话通着，我唔出声，半分钟，一分钟，骗子顶唔顺啦，问：点啊？
我：想甘。你唔好收线。
骗：哦。
半分钟，一分钟，骗子又问啦：点啊？
我：你米吹啦！米想甘喽！
又一分钟后，我同拒讲，想唔到，不过唔紧要，我打电话比我D朋友睇下，你等我。然后收线点支烟喝口茶，等这条粉肠电话。半小时左右，条粉肠又来电啦。
骗：点啊？有无声气啊？
我：无啵！
骗：甘死啦，点算好呢？要几千文先放人，不如你借住比我啊？
我：大佬你唔系嘛，我都未同你追上次果单野D数，你依家居然好意思问我借？
骗：你乜意思啊？
我：乜意思？你唔记得上次果单野话左搞掂后三个人平分架咩？点解你一个人独呑啊？
骗：有甘架事咩？
我：喂，你系唔系绿帽王－王霸（八）啊？连呢单野都唔知，你米乱认啵！
骗：系啊，我系绿帽王王霸啊。算啦，果单野系我唔岩，最多我叫我老婆打返条数比你啦。
我：我无所谓啊，不过人地阿彪（乱加的人）果份呢？果单野甘大单，人地阿彪自己认晒数，你唔比返人地唔得架啵！
骗：比比比，我都比，不过你要先借D钱比我我先出得去架！
我：借比你都得，前提系你要先搞掂左果单野条数先！
然后围绕呢个问题扯左成半个钟，过程时松时紧吊拒瘾，目的只不过系浪费拒架话费，到最后来一句：绿帽王，你老婆又比绿帽你戴啦，仲唔快D返去睇下！
收线！ |
[复制链接]
免费！直达增城荔枝园摘荔枝...
