动力通讯根本就系黑店，奸商！！！有图有真相！！！

捷铭哦哦 · 发表于 2011-10-25 15:59:54

本帖最后由捷铭哦哦于 2011-10-25 16:10 编辑

近排，我通过同事，想系动力通讯度（时代广场个间）买部MOTO MB860，一开始，发现后盖合唔紧，就唔要，然后佢地话第二日摞过一部俾我，然后我就第二日先去，到佐第二日，我终于将MB860摞到手啦，心好高兴，虽然用佐2700几，不过都好开心，到后来呢几日，系单位玩手机时，觉得电池超级唔耐用，一日，开个机用10%，玩35分钟，待机4个钟，手机电池剩20%到30%，一日充电2次先够用，夜晚仲要唔玩先得，夜晚玩起大型游戏，电池电量简直就系漏电一样，10分钟唔使就消耗10%，然后觉得唔对路，打算翻去动力通讯噶店面理论，一入到去，讲佐系电池问题之后，2男1女，我记得好清楚，听到我话玩水果忍着之后，就捉住佢唔放，话玩游戏浪费电系正常噶，我就玩35分钟，而且唔系全部时间玩游戏，个女噶系旁边话安卓手机系甘噶咯，你噶系双核机，屏幕大，系甘浪费电噶！就算系iphone都好容易无电啦！2个男噶系度搏命话点正常，1个女噶系度帮口，我一把嘴，加上唔系好好口才，真系讲唔掂佢地，然后我去到动力通讯客服，客服噶口才可能无店面D人咁好，讲两句就话可以做电池检测，加我留低电池，开佐张单，然后我话7日我话7日之内唔系可以无条件退机退配件噶咩？佢地话唔得噶，一定要检测，我见佢态度咁好，咪算咯，过佐几日，动力通讯话检测到电池系有问题，话新电池到时会打电话叫我去摞，系呢几日，我都搞清楚我噶MOTO MB860高仿电同原装电噶区别，并且好肯定佢地俾我噶百分百系高仿电，我有图证明；等我去摞电池时，一睇就睇出电池系高仿，我唔收，佢地话绝对系原装，我就将信将疑，摞翻屋企，充满电，一用，同以前一个样！！我当时真系好火滚，我又摞翻去动力通讯客服理论，当时噶人系度忙，然后有D唔想理我，呢个时候，我已经讲佐电池系高仿，本身唔想讲出来，大家好过D，后来一个可能职位比较高噶，话快D帮人开单，检测电池，后来我长叹一声：都唔知要来几次呢度。然后就走佐，到检测好啦，佢地竟然话电池无事，绝对系原装电，唔会系高仿，我真系火滚，我另外一个同事同我去买噶30蚊噶电池都耐用过动力通讯卖俾我噶！！打电话去12315，随便话我地会调查就敷衍我，我实在系好激气，动力通讯卖流嘢，2千7百几，俾一件高仿电池我，咪嘢质量，咪嘢服务！！！尤其系店面噶2男1女之中噶女仔讲到iphone都好容易无电时，就觉得荒唐，iphone系标准机？部部机都要用佢做比较？？我打甘多字，都系想发泄对动力通讯噶不满！！！我仲发现，耳机系充电时用会有电流，好似有嘢刺我耳朵，搞到我都唔敢一边充电一边用！极度怀疑都唔系原装！！充电器我就唔知，不过充完电之后，好大一阵烧胶味！！！我保证我讲噶每一句都系真噶，虽然我系岩注册，系我之前好耐未上过，忘记佐密码同账号，逼不得已要新注册...我噶电池就系一下噶数字编码比较细嘅高仿电！！！睇图！！！

左边系原装，右边系高仿