究竟我钟意咖係边个吖？我应该简咖係边个吖？我真係好烦吖！！

    我依家真係好烦，你哋可唔可以帮吓我吖！我真係唔知自己点啉，唔知自己应该点做吖！你哋帮吓我吖！~~
    以下同你哋介绍吓两位男主角，佢哋都係我认为呢个世界上已经绝晒种咖好男人来咖啦！
  第一位係阿基。阿基佢係一个唔食烟唔饮酒唔沟女唔出去浦咖好男人。佢嘅性格对于其它人来讲係好开朗嘅，但係对于我来讲，佢只係表面上嘅开朗，内里其实係有好多佢从来都唔讲人知咖心事，但係佢从来都唔会同人讲佢D心咖！！阿基佢係属于果种怕羞型咖男人，要佢去主动追女仔，係无可能咖事，除非个女仔主动追佢咖姐！
  第二个係阿江。其实阿江同阿基都真係好相似。同样，阿江亦都係一个唔食烟唔饮酒唔沟女唔出去浦咖好男人。亦都係果种无乜可能会主动去追女仔果种人。佢同阿基唔同咖就係，阿江佢真係好开朗，脸上时时刻刻都会挂住笑容咖，佢係果种乐天派嘅人，佢成日都会讲：人开心又一日，唔开心又一日，点解唔开开心心咁过好每一日呢！仲之佢真係好乐观咖，喺人哋嘅眼中，阿江係无烦恼嘅人，连佢自己都话，佢确已且确係无乜烦恼咯，可能係佢仲未遇到一样值得佢去烦恼咖事咯！
    记得2005年我毕业之后就去佐一间网吧到做，果时识佐阿基，听D人讲话阿基係一个好好好好咖男人，所以果时我特别留意佢。经过相处之后发现佢原来真係一个好好咖男人，之后都对佢产生佐好感！不过好可惜，我同阿基点都係倾唔到埋咖，对住佢，我成日都会无嘢讲咖，佢对住我都係无嘢讲咖，我哋之间好似隔佐一层好厚好厚咖墙咁咖，所以我哋成日都会觉得好陌生咁咖，日日对住都无嘢讲咖！！
  而阿江，就係我去佐网吧做咖一个月之后先去网吧做咖。记得阿江来到网吧咖第一日，我同佢就特别投契咖，D嘢好似永远都讲唔完咁咖。因为同阿江特别好倾，所以果时我同阿江都行得特别近，从而我都发觉原来阿江佢同样都係一个好好好好咖男人来咖。自从阿江出现佐之后，我不知不知咁对阿基咖感觉淡佐，反而对阿江咖感觉就一日比一日咁加深！之后网吧D同事就传我同阿江有嘢，就係因为咁，我同阿江见到面时会觉得好尴尬，而且阿江都开始有小小避开我咯！后来阿江就调佐去新塘，无几耐之后就听人讲阿江喺果边稳到佐女朋友咯，係果个女仔追佢咖！后来我有D后悔点解当初自己唔大胆D主动D去追佢呢！
  后来阿江又调番佐来增城，不过果时我对阿江已经死佐心啦，见佢同佢女朋友咁好，我都唔敢再啉其它嘢咯！而我咖心思又重新咁放佐喺阿基咖身上！
  因为我好后悔当初无大胆中动咁去追阿江，而我又唔想相同咖事情再发生第二次咯！所以果时我就开始放胆咁去追阿基咯！不过都唔係好大胆啫，就係有时发吓短信俾佢暗示咯，可惜阿基佢唔识打字咖，所以佢从来都无回过我信息。亦都从来无回复过我！后来我知知道阿基钟意咖唔係我，而且又发生佐D事！所以我就辞佐职未做咯！
  自从我离开佐网吧之后，我同佢哋都无联落过，佢哋咖消自己我全部都係由我咖好朋友口中得知咖，因为我咖好朋友同佢哋一齐做嘢咖！我走佐无几耐之后，阿基就调佐去东莞做嘢，后来我咖好朋友又调佐去东莞做嘢，而阿江后来又同佢女朋友一齐过佐去东莞间网吧到做！隔佐成年后，我咖好朋友俾开阿基新申请咖QQ我，我就加佐阿基，阿基佢唔识打字咖，所以佢从来都唔玩Q咖，个QQ係人哋梗同佢申请咖。有一次，阿基喺个QQ到发信息俾我，我以为唔係阿基，打死都唔信係阿基，因为阿基佢根本就唔会打字同唔会上Q咖！结果佢就问我电话号码，然后打过来同我倾佐有半个钟。果次之后，我哋就间唔中都会喺Q到倾好多嘢！而有时过时过节咁我都会关心吓佢，然后又寄D礼物俾佢咁咖！直到上年底，我亲手绣佐一个枕头俾佢，係我挨佐两个星期通宵先绣好咖枕头来咖，好辛苦咖！送俾佢做圣诞礼物咖！
  到佐今年1月14号，我谅辞佐我销啤酒咖工，喺屋企休息佐个几月，果时都唔知啉住做乜工咖！而我咖好朋友就话叫我过东莞果边做！同佢一齐过高埗果间网吧度做收银，係同一个老细开咖！然后阿基听到之后就立刻打电话过去俾高埗果间网吧咖经理讲，话佢有一个朋友要过来做收银，叫个经理留定个位俾我，我知道係阿基叫我过去咖之后就立刻应承佐我朋友去东莞间网吧度做咯！因为我心啉，去到之后我就可以成日见得到阿基咯！未尝唔係一件好事！
  后来过到高埗之后先知道，原来我果度离阿基果度都好远吓，反而阿江，喺我无去高埗间网吧做无几耐之前就调佐过去做咯，不过果时佢同佢咖女朋友已经分开佐有成年咯！！去到网吧，我见到阿江，当时我哋两个都觉得好陌生，无嘢讲！后来阿江就叫我帮佢喺网上买D嘢，而我就应承佐，本来D嘢应该係三日后先到咖，点知咁岩就係情人节果日到佐，所以我就同阿江讲笑，话呢份就係我送俾你咖情人节礼物啦，然后就有讲有笑咯！果日之后，我哋咖感情好佐好多，然后跟住咖第一日我哋都有讲有笑，两个人咖感人亦都越来越好，而我就唔知点解，对住阿江又好似特别大胆咁咖，乜都讲得出，又成日都会去调戏佢咖，好钟意见到佢俾我调戏咖样我就特别开心咖！！我哋两个相处咖日子一日比一日开心，虽然大家一齐做嘢，不过一分开一阵间啫，就会发信息咖啦，90%都係我发俾佢先咖，所以我哋一日之间最少都会有五条信息要发咖，多咖十几条！依家嘅我亦都已经FEEL到阿江佢对我都有意思咖！只係佢唔会去做主动，而且佢同阿基係好朋友，佢知道我亦都钟意阿基，我唔知佢依家啉紧乜，可能佢都想同我一齐，但係又唔敢，因为我哋之间仲有一个阿基！
  而我，每次一啉到阿基，我就会好烦，觉得自己依家同阿江咁好，又成日去调戏阿江，觉得自己真係好对唔住佢！或者呢D就係叫做近水楼台先得月啦。。。。
  同阿江一齐我真係好开心好开心，个人又会特别大胆咖，而且又开朗，但係一啉到阿基，我就觉得自己好过份，之前对阿基咁好，阿基D同事全部都知我钟意阿基咖，然后依家我竟然同阿江咁好，心入面啉紧，如果阿基唔钟意我咖话，我就可能会同阿江一齐，但係偏偏，阿基佢前晚係QQ到发信息俾我，我FEEL到佐佢对我开始行动啦！我3号休息就要同佢去行街啦！
  所以我依家真係好烦，其实我自己都分唔清自己究竟钟意边个，究竟钟意边个多D!同阿基一齐，我好惊咖，好怕羞咖，乜都唔敢讲咖。而同阿江一齐，我就好大胆，好开朗咖，乜都讲得出咖！我对于阿基，我对住佢会好成熟，我好唔想伤害佢，好想保护佢，好想关心佢，爱护佢！对于阿江，我好钟意喺佢面前撒妖，城要佢咖保护，需要佢咖关心同爱护！所以我真係分唔清自己究竟钟意咖係边个吖！~~我真係好烦！家吓我都确定佐对哋两个好男人都同时对我有FEEL啦，但係我真係唔知应该点做吖，佢哋两个都係好朋友，我唔想伤害佢哋任何一个人吖！或者我简佐阿基，我相对于阿江来讲，就会无咁开心，因为我唔会喺阿基面前撒娇咖，对阿江来讲都唔会好伤咖，因为佢好啉得开，佢係一个乐天派咖人！如果我係简佐阿江，我会成日喺佢面前撒娇，会开心D！但係我个心永远都会觉得好对唔住阿基咖，我真係超唔想伤害阿基，真係唔想伤害佢！两者之间，我应该简边个呢？我真係好烦！好烦！好烦！！！

点都要简一个。。。你应该爱既系啊江 因为你同距一起既感觉比同啊基既感觉要好

个人认为。。。

要拍拖就稳个好既。。。。爱情系勉强吾到架

你点都要伤害一个，甘就决绝D，伤心过后就会无事。。。

趁住依家你地既感情吾系甘深。。尽快做出决定。。。。

好简单2个都甘好，就选一个最有米既一定无错！

引用第2楼无所谓于2008-03-31 23:29发表的 :
好简单2个都甘好，就选一个最有米既一定无错！

兩個都差唔多咁點算？
我個人分析：
如果我係簡阿基咖話，我仲面對得到阿江，簡阿基，比起同阿江一齊，我可能係會無咁開心，但係唔代表唔開心，我相信阿基佢都一定會對我好好咖，而且阿江係一個樂天派嘅人，我啉就算我係簡佐阿基，對於佢來講都好快無乜嘢咖！佢講過，暫時來講無乜事係值得佢去煩咖！
如果我係簡阿江咖話，雖然我係會開心D，但係我就無可能面對得到阿基，而且我會傷得阿基好深好深，因為佢果邊D同事全部都知我鍾意阿基咖，全部都叫我基嫂咯，佢哋都知阿基3號就會約我出去表白咯！若果我拒絕佐阿基，我啉阿基真係會好傷好傷！我識佐阿基三年啦，佢都無去交過一個女朋友，若果佢第一次表白就失敗，我真係唔想傷害佢！

一切顺其自然吧,话吾定真命天子仲未出现啦 [s:126]

但係我3号就要面对阿基咖表白啦？
我应该点做？

我想問下呢..唔食煙唔飲酒唔溝女唔出去浦噶就一定係好男仔噶??反之就係壞男仔噶啦??
愛情係憑感覺噶..鍾意就係鍾意..唔會理佢好與壞..最緊要一齊開心..佢愛妳而妳又愛佢咪得咯..
其實妳愛一嗰人有幾深,妳自己心裡會知噶,咁妳咪揀妳心中最愛嗰嗰咯..

但係我依家就係分唔清吖！
我个心依家喺到挣扎紧吖，
挣扎得好西利吖！！！

咁講即係.......................................................妳係一嗰花心噶人..做乜嘢都好..由其係愛情..係唔會有兩全其美噶..或者兩嗰中揀一嗰..又或者兩嗰都唔要,做一世噶朋友..

有得选更系选个好D嘎啦，正常嘎。