本帖最后由 辉记 于 2009-6-1 02:09 编辑
最近因为屋企要买车，所以我比较留意宜家既车市，买咩车其实屋企人早就定好咗，话要买我公司既新CITY，亦即系锋范啦~~（原因系我采广本做，买翻自己公司既产品）车已经俾咗钱应该过两个星期就会开翻来，但系两个月前，上海通用既雪弗兰就发布做一部同锋范同级别既新车科鲁兹，经过我系网上浏览过一部分关于科鲁兹既资料后，发觉呢部车好有个性，所以今晚就算唔训都好，为咗娱乐网上面想买车既网友我会用最中肯既客观角度来写呢份对比报告！！
首先，先从两部车既上市时间同埋车身外观来对比。先讲广本既锋范啦，锋范上市既时间系2008年既12月12日距离宜家已经有半年既时间啦~宜家系增城既街上都见到有好多了，咁样就证明其实锋范都算系一部好车啦，不过系车既定位同埋配置方面确实系留有一丝既不足，锋范既外观造型几好，侧面睇起来好似一支等待射出去既箭一样，锋范既车尾略显短小，但甘样设计对于前驱车来讲系过弯个时有好大帮助。宜家再讲雪弗兰既科鲁兹，科鲁兹既上市时间系今年既4月18日距离宜家先有个半月既时间，但系呢部车一上市就俾人地级感觉系开放张扬，十足一个纯种美国酷小子，比起锋范既好动的东洋小生既性格来讲科鲁兹确实有吸引年轻人眼球既地方。而且岩上市，科鲁兹系会热门一段时间既~
宜家就讲下呢两部车既引擎既配置排量，特点同埋油耗。锋范引擎配置排量系1.5L同1.8L，相信好多开过本田车既人都应该会知道I-VTEC系统既好处啦，本田I-VTEC系统既特点系能随发动机转速、负荷、水温等运行参数的变化，而适当地调整配气正时和气门升程，使发动机在高、低速下均能达到最高效率。锋范1.5L用既引擎系同新飞度1.5L一样，编号为L15A既I-VTEC引擎功率方面留意我上传既对比图，而1.8L版本则以八代雅阁2.0L为基础开发而来既R18A引擎同样系带有I-VTEC系统，本田既车一直就系靠呢个系统来省油，虽然技术稍有落后，但系都系利大于弊啦~~可以忽略，呢两副引擎既油耗官方俾既数据系1.5L系6.5L/百公里，1.8L系7.1L/百公里实际用车油耗就要睇睇个位车主既用法咯~呵呵~~科鲁兹引擎配置排量系1.6L同1.8L，系欧宝技术既ECOTEC引擎，技术特点，与丰田既VVT-I可变气门正时连续可变相似，但系多咗一个可以控制埋排气，而丰田既至可以控制进气。虽然同样有两个排量，但系科鲁兹与锋范唔同，科鲁兹只用一款引擎，成本方面省了不少，但系车价定位俾锋范高出个一点点,抵买唔抵买就要靠自己去衡量咯，油耗方面官方数据系1.6L SL mt版5.95L/百公里，1.8L SX at版6.55L/百公里。
最后就讲下两部车各自选用既轮胎同刹车距离啦~~锋范一直俾人微词既地方就系轮胎，理论上来讲应该将185宽度设为标配，将205宽度的设为最高配的先系既，但系本田并未甘做，咁样可能系为咗以后既改款留后路挂，锋范既100KM~0KM制动距离系45.9m（175宽度轮胎）。科鲁兹所用既轮胎尺寸竟然系全线标配宽度为205既轮胎！！！甘样就足以知道科鲁兹个四只轮胎既抓地力有几强！科鲁兹既100KM~0KM制动距离暂时未有，但系以后网站上绝对会公布既！！
最后既最后，对于呢两部车，一个系东洋小生，一个系美国酷小子，睇完小弟写既呢篇专题，大家会点样选择，咁就留翻俾你地自己慢慢酌量咯~~
PS:小弟第一次写，睇完俾的意见我，等我以后可以写得更加好的~~附两车既各方面对比图~ 外观对比 锋范内饰 科鲁兹内饰 锋范1.8L引擎 锋范1.5L引擎 科鲁兹引擎 科鲁兹引擎 |
置顶卡
变色卡
恭喜！他们在增城结婚了！
