被自己最信任既人出卖...发觉原来自己出到黎社会仲未学乖！

    由于人物名称关系，请允许我用简称：A同事、B同事：

     前序：一个一直以黎都玩得好好既A同事，近期系领导面前出卖我，枉我一直以黎对距甘好，当距姐妹甘睇！今次，我真系好失望，亦都好心淡！
     事由：一直以黎我同A、B同事都玩得好好，跟住无几耐，B同事可能因为工作关系，调动佐岗位，调佐黎我同A同事既部门，其实甘样咪仲好，以后可以系同一个部门做野！但系事实并唔系甘样！A同事有时会同我讲B同事滴野，我觉得无咩事吖，时间耐佐，发觉A同事讲B同事滴野越黎越唔对路。从A同事口中，我发觉B同事同我讲滴野，同B同事讲A同事滴野唔一样，所以A同事话，原来B同事有甘多野都收收埋埋，无句真话！叫我以后要小心B同事。B同事一调过黎我地部门，就好似受到我地部门滴人排挤甘，无咩人同B同事熟。就好似早上开早会果阵，B同事可能唔知自己坐边度，就无意间坐佐我个位，跟住我同A同事入去会议室果阵，A同事就同我讲，话B同事坐佐我个位，跟住我就话坐边都无问题喇，又无固定既位置。跟住其他同事就好无奈！跟住第二日，领导就系开早会前讲佐一句，以后B同事就坐我个位，跟住其他同事就觉得好惊讶！散会果阵，A同事就走过黎同我讲，话依家领导都会安排边个坐边度，以前一直都无，都系随便坐，跟住我就同A同事讲，无咩架，甘人地岩调部门，系要关照下架！跟住就发生以下呢件事喇！
     重点：今日领导叫佐我入去距办公室。开始我都觉得无咩，好正常，都系讲滴工作上既野！点知。。。
我一入去距就话叫我关门，跟住我咪去关罗，跟叫我坐低，问我呢排系咪对某人（即B同事）唔满意，跟住我就话，唔系吖，又无对距唔好，又无对距点！跟住距就话，听到有滴风声话我对于B同事坐佐我个位，我好唔满意，搞到成个部门都好似就黎要分裂甘！跟住我就话无呢滴甘既事，我既气度有无甘细吖，居然会为佐呢滴甘既小事唔开心，我有大把野烦，边有时间理呢滴小事吖。跟住领导就大声讲，仲话无，我都听到喇，语气又重，我系果滴人地大声小小，我就想喊想喊既人，无几耐我忍唔住喇，我滴眼泪好似开水咙头甘样，巴巴声流佐落黎，跟住领导就话，唔好喊，我又无话一定系你，只系听到有人甘样讲你嗟！我甘大个人，做人做事我一直都光明磊落，从来都唔讲人是非，咩事忍得到既我都忍，忍唔到既都要忍，但系我最忍受唔住既就系人地屈我。领导递佐纸巾俾我，我无要，我擦干眼泪，同领导讲，我可以好肯定甘讲，我无要怪B同事既意思，如果我要为难B同事既话，我早就已经系距开早会坐我个位果阵就话距喇，点会留到依家先讲呢？跟住领导就问我，你想唔想知系边个讲既？我就话已经唔重要喇，距就话系A同事讲俾距知架。我就话，要讲既我都讲佐，至于信唔信我，领导你自己决定！跟住我就行佐出办公室。
    结果：我一直以为，只要我对于任何事，一致采取唔理会，唔关心，唔过问就会唔会俾人地讲，但系点知今次，连我平时对距最信任既A同事，距居然甘样讲我，明明无事，就俾距讲到有事，觉得自己好无辜。其实系好耐之前，就已经有人同我讲过，唔好太相信任何人，到今日，我先至真正领悟到，被自己最信任既人出卖...发觉原来自己出到黎社会仲未学乖！

借刀杀人，一箭双雕[s:81]

[s:76]

踢炮唔捞啦

系咪女人多的地方就多是非的？

你来一招马后炮就可以啦~~~~~[s:107]

[s:126]

经一事长一智，，社会大把野学

zczhukaixuan 发表于 2013-1-30 19:56
你来一招马后炮就可以啦~~~~~

高人！