一般学小车的朋友,要去连南考试个阵教练都会集齐5个人先至去.(学大车的就吾清楚啦)
哈哈,我地呢次去得4个人,个个教练本来都吾米甘愿意去嘎.
首先讲下一般去个阵,教练都会轮流俾我地学员开一段嘎.
一般系早上去嘎,到着中午吃饭,呢个问题好多人应该听人讲过,系AA制.
吃完饭都系D学员合钱买单,教练系吾使出嘎.
所以就有人讲,教练系事先同个间饭店讲好带学员去个度吃饭收翻D提成甘嘎.
要讲度呢样也,我就吾米甘清楚啦,净系知道吃饭个个饭店90%人都系去学车考试D人系度吃.
而且个D也又贵!又吾好吃!(呢样也就一定系事实,反正我地去个间系甘难吃)
吃完饭,继续驱车去连南.
去到连南一个三排镇嘎地方考试
去到一睇,个个镇同我D农村比差吾多.
去到连南三排系下午4-5点左右,进入去个个考场,好似又叫广东警察训练基地.
教练停好车,跟住登记住宿,我住个间系3个住,其他吾清楚.
之后教练带着我地去出面一间卖土特产的店仔,只见教练同个店主好熟甘倾计.
我睇着睇个间店卖个D也,多数都系个乜菇乜菇之类,而且仲铺满灰尘.
之后教练同其他学员一齐系间店仔门口打麻将!
我吾中意打麻将,只有非常非常无聊甘,行来行去!(真系好难顶)
打着2个几钟麻雀之后,就准备去吃晚饭啦,呢阵教练就同我地讲要吾要买保险.
之后就讲着一大丢废话!大概系,几百公里甘远来到,买保险安全D,吾米吾合格下次要来重考好麻烦!如果吾买保险可能个个考官会难为你!(有一句话一定要注意:就系教练讲,如果你买着保险吾合格,会将钱退返俾你)原来保险都吾米甘保险嘎!
(买保险,可能有D人仲吾明白系乜意思,我解析一下,意思就系话俾钱个个考官,等你考试个阵俾你合格,
又或者吾难为你,俾你考的容易D)仲有个个店仔的老板,原来系专门收"保险费"嘎!
说明一下"买保险"的价格先.一般学小车的都系5个学员去考,教练话一车1500元,即每人300元!
因为我地先4个人,但系教练话规定一部车1500元,就算系4个人都要俾1500嘎!
经过教练一番的"教育"之后,其他3个学员答应左话买,但系我坚持吾买.
教练睇到我坚持吾买之后,就大发脾气!话:距吾买就算啦!大家都吾好买啦!
跟住吃饭,系个个吃堂度吃所谓的"自助餐"好难解析,你去吃过就知啦.
去连南考试,系个个饭堂系包一个晚餐同早餐嘎
吃饭个阵教练俾面色我睇,但系我无理他.
吃完饭翻房睡觉,虽然先7点几.但系无乜节目,唯有翻房啦.
登记住宿个阵,有D教练会问要吾要去出面D旅店住,(要自己出钱嘎!)而系入面D住就吾使钱嘎!
听人讲过有D教练夜晚会带学员出去几公里外的连南县城叫鸡嘎!
未来之前听人讲过,睡到半夜会有鸡婆(妓女)来拍门嘎,事实证明系入面(免费)住系无呢D事情嘎!
好吾容易熬到天亮(因为系个度根本睡吾着)早上6点就会有人来拍门叫你醒嘎啦.
刷牙洗脸,去饭堂吃早餐,之后全部人去停车个个地方(好似操场甘嘎)集合.
车编号排队考试,我系未买保险的情况下,成功通过.感觉考官无任何为难的意思.
都系一视同仁,我地一车4个人都合格,之后得知其他3个学员都买着保险!
其实我觉得,买保险只不过系,教练收的钱,吾合格退返俾你,合格他收.(真系任他讲) |
置顶卡
变色卡
世界独有！竟藏在增城这条村...
