|
我记得我係今年2月考第一次路试嘅，每次路试有两次机会。记得果次教练叫我做保险（教练係我表哥，唔会呃我嘅），话好多人都做，但我无做。结果果个考试就唔合格咯！第一次机会时，我觉得自己完全无问题，但教官话我挂党时方向盘郁佐。第二次机会就因俾教官吓佐吓自己过失佐。其实第一次机会时我係完全无问题嘅。但佢可能因为唔想我过，稳D咁嘅借口。事后问佐教练，教练都话跟住我尾都唔觉得我方向唔稳。估计就係因为我无教保险费嘅原因。第二次係三月份考试嘅。果时我嘅一车四个人，教练话同我哋买保险嘅！因为知道买佐保险实过嘅，所以当时我无乜压力。我家姐考第一，我考第二，后面仲有两个男嘅！我同我家姐过佐，果两个男嘅未过。考完试之后教练同我嘅讲，其实未买保险嘅，话呢次好严，买唔到保险。但又怕讲佐出来会让我哋紧张，所以无讲俾我哋听，等我哋考完试先讲。当时我同我家姐好开心，因为我哋凭自己实力过佐。而且加埋省番千几蚊保险费。但果两个男嘅肯定唔开心啦，有可能仲会怀疑我教练偏帮我哋。不过果次我同我家姐係真係靠实力咖。考官睇佐我哋两个嘅身份证，知道我哋係两姐妹，我考完后考官同校长都话我两姐夫都咁叻。而果两个男嘅我跟喺后面度睇，确实係有好大问题，所以先未过。我大家姐係8月份考路试嘅。教练话我哋三姐妹实力最差就係我大家姐嘅。但係我大家姐果次係第一次考路试，而且一次就过佐。我大家姐话果次佢哋部车得两个人，两个都未做保险，两个都过佐。话果时唔俾买保险，好严嘅。我大家姐话佢喺开嘅过程中都有犯错嘅，不过都过佐。事后我哋分析，应该係当时捉保险嘅捉得好严，考官唔敢收钱，既然都係无钱收嘅，就唔会稳借口唔俾人过，所以就比较松。咪过佐咯！你就睇下你考试时捉保险嘅捉得严唔严啦，严嘅话就无做！ |
[复制链接]
200米高！增城新地标！
